പാലക്കാട്ട് ബിജെപി മുന്നേറ്റം; നഗരസഭയിൽ ഒന്നാമത്; പറളി പഞ്ചായത്തിലും ഇഞ്ചോടിഞ്ച്
പറളി പഞ്ചായത്തിൽ എൽഡിഎഫും ബിജെപിയും ഒപ്പത്തിനൊപ്പമാണ്. ബിജെപി ഭരണം പിടിക്കാൻ ലക്ഷ്യമിടുന്ന പഞ്ചായത്തുകളിൽ ഒന്നാണിത്.
പാലക്കാട്: പാലക്കാട്ട് ബിജെപിക്ക് വൻ മുന്നേറ്റം. പാലക്കാട് നഗരസഭയിൽ ബിജെപി കുതിപ്പ് തുടരുകയാണ്. ഇവിടെ ഒമ്പത് സീറ്റുകളിൽ ബിജെപിക്ക് വ്യക്തമായ ലീഡുണ്ട്. യുഡിഎഫിനും എൽഡിഎഫിനും മൂന്നും വീതം, മറ്റുള്ളവർ ഒന്ന് എന്നാണ് ഇവിടുത്തെ ലീഡ് നില. വോട്ടെണ്ണൽ രണ്ടാം റൗണ്ട് പൂർത്തിയായപ്പോഴും ബിജെപിക്ക് ഇവിടെ വ്യക്തമായ മേൽക്കൈ ഉണ്ട്.
ഒറ്റപ്പാലം നഗരസഭയിൽ ബിജെപി ഏഴ് ഇടങ്ങളിൽ മുന്നിലാണ്. മണ്ണാർക്കാട് നഗരസഭയിൽ ബിജെപി ഒരിടത്ത് മേൽക്കൈ നേടി. ഇവിടെ 11 വാർഡുകളാണ് എണ്ണിയത്. യുഡിഎഫിന് ആറ്, എല്ഡിഎഫിന് 3 സ്വതന്ത്ര ഒന്ന് എന്നിങ്ങനെയാണ് ഇവിടെ നിലവിലെ കക്ഷിനില. പറളി പഞ്ചായത്തിൽ എൽഡിഎഫും ബിജെപിയും ഒപ്പത്തിനൊപ്പമാണ്. ബിജെപി ഭരണം പിടിക്കാൻ ലക്ഷ്യമിടുന്ന പഞ്ചായത്തുകളിൽ ഒന്നാണിത്.
അതേസമയം, പാലക്കാട് നഗരസഭയിൽ കോൺഗ്രസ് വിമതന് വിജയം. പതിനൊന്നാം വാര്ഡിൽ കെ ഭവദാസ് ആണ് വിജയിച്ചത്. ഡിസിസി ജനറൾ സെക്രട്ടറി സ്ഥാനത്തു നിന്ന് പുറത്താക്കപ്പെട്ട വ്യക്തിയാണ്.
Read More: കണ്ണൂർ കോർപ്പറേഷനിൽ അക്കൗണ്ട് തുറന്ന് ബിജെപി, ചരിത്രത്തിലെ ആദ്യ സീറ്റ്...