തുറമുഖ നിർമാണം നിർത്തിവച്ച് പഠനം ഉൾപ്പെടെ സമഗ്ര പാക്കേജ് ആവശ്യവുമായി വിഴിഞ്ഞം സമരസമിതി,ഉപസമിതി ചർച്ച വീണ്ടും
തുറമുഖ കവാടത്തിനു മുന്നിലെ സമരപന്തൽ പൊളിക്കണം എന്ന ജില്ലാ ഭരണകൂടത്തിന്റെ ഉത്തരവും യോഗത്തിൽ ചർച്ചയാകും
തിരുവനന്തപുരം : വിഴിഞ്ഞം തുറമുഖത്തിനെതിരെ ഉൾപ്പെടെ സമരം ചെയ്യുന്ന മത്സ്യത്തൊഴിലാളികളുമായി മന്ത്രിസഭ ഉപസമിതി ഇന്ന് വീണ്ടും ചർച്ച നടത്തും. പ്രശ്നം പരിഹരിക്കാൻ സമഗ്ര പാക്കേജ് എന്ന ആവശ്യം ഉന്നയിക്കാൻ വിഴിഞ്ഞം സമരസമിതി തീരുമാനിച്ചിട്ടുണ്ട് . മന്ത്രിസഭ ഉപസമിതിയുമായുള്ള ചർച്ചയിൽ ഇക്കാര്യം ആവശ്യപ്പെടും.
നഷ്ടപെട്ടവയ്ക്ക് തുല്യമായ നഷ്ടപരിഹാരം ഉറപ്പാക്കി പാക്കേജ് പ്രഖ്യാപിക്കണം എന്നാണ് ആവശ്യം. തുറമുഖ നിർമ്മാണം നിർത്തിവച്ചുള്ള പഠനം ഉൾപ്പെടെ പാക്കേജിൽ പ്രഖ്യാപിക്കണം എന്ന് സമര സമിതി ആവശ്യപ്പെടും .
ചർച്ചയിൽ മന്ത്രിമാരായ കെ.രാജൻ,വി.അബ്ദുറഹ്മാൻ, വി.ശിവൻകുട്ടി, ആന്റണിരാജു,ജി.ആർ.അനിൽ എന്നിവർ പങ്കെടുക്കും.സമരക്കാരുമായി ഇത് നാലാം വട്ടമാണ്മ ന്ത്രിസഭാ ഉപസമിതി ചർച്ച നടത്തുന്നത്. തുറമുഖ കവാടത്തിനു മുന്നിലെ സമരപന്തൽ പൊളിക്കണം എന്ന ജില്ലാ ഭരണകൂടത്തിന്റെ ഉത്തരവും യോഗത്തിൽ ചർച്ചയാകും
