കുങ്കിയാനകളുടെ സഹായത്തോടെ ആനയെ മാറ്റാനുള്ള നടപടികൾ ഉടൻ തന്നെ വനം വകുപ്പ് ആരംഭിക്കുന്നതാണ്.
ഇടുക്കി: ഇടുക്കി ചിന്നക്കനാല് മേഖലയില് ഭീതി പരത്തിയ അരിക്കൊമ്പന് എന്ന കാട്ടാനയെ മയക്കുവെടി വെച്ച ദൗത്യസംഘത്തിലെ ഉദ്യോഗസ്ഥരെ വനം വന്യജീവി വകുപ്പു മന്ത്രി എ. കെ. ശശീന്ദ്രന് അഭിനന്ദിച്ചു. കാട്ടാനയെ പിടികൂടാനുള്ള ദൗത്യത്തില് പങ്കാളികളായ ഉന്നത ഉദ്യോഗസ്ഥര് ഉള്പ്പെടെ വിവിധ വകുപ്പുകളിലെ ജീവനക്കാരെയും ജില്ലാ ഭരണകൂടത്തെയും ദൗത്യം വിജയകരമായി പൂര്ത്തിയാക്കാന് എല്ലാവിധ പിന്തുണയും നല്കിയ ജനപ്രതിനിധികള്, നാട്ടുകാര്, ഇതുമായി ബന്ധപ്പെട്ട് പ്രവര്ത്തിച്ച എല്ലാവരെയും അഭിനന്ദിക്കുന്നു. കുങ്കിയാനകളുടെ സഹായത്തോടെ ആനയെ മാറ്റാനുള്ള നടപടികൾ ഉടൻ തന്നെ വനം വകുപ്പ് ആരംഭിക്കുന്നതാണ്.
ദൗത്യം വിജയത്തിലേക്ക്; അരിക്കൊമ്പനെ മയക്കുവെടിവെച്ചു, ആന മയങ്ങിത്തുടങ്ങി
അരിക്കൊമ്പനെ മാറ്റുന്നത് പെരിയാർ ടൈഗർ റിസർവിലേക്കെന്ന് സൂചന; കരുതിയിരിക്കാൻ പൊലീസിന് നിർദ്ദേശം
