ഗുരുവായൂരിലെ സ്വകാര്യ ലോഡ്ജില് പൊലീസുകാരനെ തൂങ്ങിമരിച്ച നിലയില് കണ്ടെത്തി. ആലപ്പുഴ സൗത്ത് പൊലീസ് സ്റ്റേഷനിലെ നര്ക്കോട്ടിക് സെല് എഎസ്ഐ ആലപ്പുഴ മാരാരിക്കുളം സ്വദേശി 52 വയസ്സുള്ള ശാന്തകുമാറിനെയാണ് കിഴക്കേ നടയിലെ സ്വകാര്യ ലോഡ്ജില് മരിച്ച നിലയില് കണ്ടെത്തിയത്
തൃശൂര്: ഗുരുവായൂരിലെ സ്വകാര്യ ലോഡ്ജില് പൊലീസുകാരനെ തൂങ്ങിമരിച്ച നിലയില് കണ്ടെത്തി. ആലപ്പുഴ സൗത്ത് പൊലീസ് സ്റ്റേഷനിലെ നര്ക്കോട്ടിക് സെല് എഎസ്ഐ ആലപ്പുഴ മാരാരിക്കുളം സ്വദേശി 52 വയസ്സുള്ള ശാന്തകുമാറിനെയാണ് കിഴക്കേ നടയിലെ സ്വകാര്യ ലോഡ്ജില് മരിച്ച നിലയില് കണ്ടെത്തിയത്. ഇന്നലെ പുലര്ച്ചെ ഒന്നരയോടെയാണ് ഇയാള് ലോഡ്ജില് മുറിയെടുത്തത്. മുറി വൃത്തിയാക്കാന് എത്തിയവര് വാതിലില് തട്ടിയിട്ടും പ്രതികരണം ഇല്ലാത്തതിനെ തുടര്ന്ന് പൊലീസ് സ്റ്റേഷനില് വിവരം അറിയിക്കുകയായിരുന്നു. പൊലീസ് എത്തി വാതില് തകര്ത്തണ് അകത്തു കയറിയത്. പൊലീസ് നടപടിക്രമങ്ങള് പൂര്ത്തിയാക്കി മൃതദേഹം ചാവക്കാട് താലൂക്ക് ആശുപത്രിയിലേക്ക് മാറ്റി. ഇയാളെ കാണാനില്ലെന്ന് കാണിച്ച് ബന്ധുക്കള് ആലപ്പുഴ സ്റ്റേഷനില് പരാതി നല്കിയിരുന്നു. സാമ്പത്തിക ബാധ്യതയാണ് മരണകാരണമെന്നാണ് പ്രാഥമിക നിഗമനം.
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള് 'ദിശ' ഹെല്പ് ലൈനില് വിളിക്കുക. ടോള് ഫ്രീ നമ്പര്: Toll free helpline number: 1056, 0471-2552056)
Related Articles
