സംഭരണ കാര്യത്തിൽ നൂലാമാലകൾ ഒഴിവാക്കണം. ഇക്കാര്യങ്ങൾ സർക്കാരിന്റെ ശ്രദ്ധയിൽ കൊണ്ടുവരാനാണ് സമരമെന്നും ജോസ് കെ മാണി
കോഴിക്കോട്: നാളികേര സംഭരണ വിഷയത്തിൽ കേരള കോൺഗ്രസ് പ്രത്യക്ഷ സമരത്തിന്. കോഴിക്കോട് നടന്ന സമര പ്രഖ്യാപന കൺവെൻഷൻ പാര്ട്ടി ചെയര്മാന് ജോസ് കെ മാണി ഉദ്ഘാടനം ചെയ്തു. കർഷകർക്ക് മെച്ചപ്പെട്ട വില ഉറപ്പാക്കുക, കൂടുതൽ സംഭരണ കേന്ദ്രങ്ങള് തുറക്കുക, തേങ്ങ സംഭരണ കാര്യത്തിലെ നൂലാമാലകൾ ഒഴിവാക്കുക തുടങ്ങിയ ആവശ്യങ്ങള് ഉന്നയിച്ചാണ് സമരം. നാളികേര സംഭരണ കാര്യത്തില് പല തടസങ്ങളും നിലനില്ക്കുന്നതായി ജോസ് കെ മാണി ഏഷ്യാനെറ്റ് ന്യൂസിനോട് പറഞ്ഞു. ബഫര് സോണ് വിഷയത്തിന് പിന്നാലെ നാളികേര കര്ഷകരുടെ പ്രശ്നത്തിലും സര്ക്കാരില് സമ്മര്ദ്ദം ശക്തമാക്കാനാണ് കേരളകോണ്ഗ്രസ് തീരുമാനം.
