കൊച്ചി രാജ്യാന്തരവിമാന താവളത്തിൽ ഡൽഹിയിലേക്കുള്ള യാത്രക്കാർ കുത്തിയിരുന്ന് പ്രതിഷേധിച്ചു
കൊച്ചി: കൊച്ചി രാജ്യാന്തരവിമാന താവളത്തിൽ ഡൽഹിയിലേക്കുള്ള യാത്രക്കാർ കുത്തിയിരുന്ന് പ്രതിഷേധിച്ചു. സ്പൈസ് ജെറ്റ് വിമാനം പൊടുന്നനെ റദ്ദാക്കിയതാണ് പ്രതിഷേധത്തിന് കാരണം. ദിവസങ്ങൾക്ക് മുമ്പ് ബുക്ക് ചെയ്തപ്പോൾ ഇന്ന് രാത്രി 10 മണിക്ക് പുറപ്പെടുമെന്നാണ് രേഖപ്പെടുത്തിയിരുന്നത്. എന്നാൽ വൈകിട്ട് 3 മണിയോടെ വിമാനം പുലർച്ചെ 2 മണിക്കു മാത്രമേ പുറപ്പെടുകയുള്ളൂവെന്ന സന്ദേശം ലഭിച്ചു. പതിനൊന്ന് മണിയായപ്പോഴാണ് സർവീസ് റദ്ദാക്കിയെന്ന് പറയുന്നത്. പകരം താമസ സൗകര്യം നൽകാനോ ടിക്കറ്റ് നിരക്ക് നൽകാനോ അധികൃതർ തയ്യാറാകാത്തതിനെ തുടർന്ന് യാത്രക്കാർ കുത്തിയിരന്ന് പ്രതിഷേധിച്ചു.
