Malayalam News Live Updates: കുട്ടിക്കാലം മുതലേ പൊതു പ്രവർത്തകനാകുക സ്വപ്നം; 57ാം വയസ്സിൽ അഡ്വ എൻ ഷംസുദ്ദീൻ മന്ത്രിസഭയിലേക്ക്

മണ്ണാർക്കാട് എംഎൽഎ അഡ്വ എൻ ഷംസുദ്ദീൻ കേരളത്തിന്റെ മന്ത്രിസഭയിലേക്ക്. കാൽ ലക്ഷത്തിലധികം ഭൂരിപക്ഷത്തിലാണ് ഇത്തവണ മണ്ണാർക്കാട്ടുക്കാരുടെ ഷംസൂക്ക നിയമസഭയിൽ എത്തിയത്. നാലാം ഊഴത്തിൽ പ്രധാന വകുപ്പ് തന്നെയാണ് മുസ്‌ലിം ലീഗ് ഏൽപ്പിക്കുന്നത്. 

വിവിഐപികൾക്കും വേദിയിൽ ഇരിപ്പിടം വേണമെന്ന് സർക്കാർ. ഇക്കാര്യം ലോക്ഭവനോട് ആവശ്യപ്പെട്ടു. വിജയ് മോഡൽ സത്യപ്രതിജ്ഞക്കായാണ് അനുമതി തേടിയത്.

സത്യപ്രതിജ്ഞാ ചടങ്ങിൽ പങ്കെടുക്കുമെന്ന് ഓർത്തഡോക്സ് സഭ. സർക്കാർ ക്ഷണം സ്വീകരിച്ചാണ് ചടങ്ങിൽ പങ്കെടുക്കുന്നത്.

വിദ്യാർത്ഥി രാഷ്ട്രീയത്തിൽ നിന്ന് ഉമ്മൻചാണ്ടി കണ്ടെത്തിയ യുവനേതാവ് പി സി വിഷ്ണുനാഥും ഇന്ന് മന്ത്രിയായി സത്യപ്രതിജ്ഞ ചെയ്യും. ശാസ്താംകോട്ട ഡി ബി കോളേജ് ആർട്സ് ക്ലബ് സെക്രട്ടറിയിൽ നിന്ന് കേരളത്തിൻ്റെ മന്ത്രിയിലേക്കുള്ള വിഷ്ണുനാഥിന്റെ വളർച്ച പോരാട്ടങ്ങളുടേത് കൂടിയാണ്

സിപിഎം ഇടുക്കി ജില്ല സെക്രട്ടറിയേറ്റ് ഇന്ന് ചേരും. സംസ്ഥാനത്തേറ്റ കനത്ത തോൽവിക്കൊപ്പം ഇടുക്കിയിലെ തിരിച്ചടിയും ചർച്ച ചെയ്യും.

പറവൂരിൽ നിന്നുള്ള ആദ്യത്തെ മുഖ്യമന്ത്രിയല്ല വി ഡി സതീശൻ. തിരു-കൊച്ചി മുഖ്യമന്ത്രിയായി 1949ൽ ടി കെ നാരായണപിള്ള സ്ഥാനമേറ്റിട്ടുണ്ട്. ടി കെ പറവൂര്‍ എന്നായിരുന്നു വിളിപ്പേര്.

പതിമൂന്നാം മുഖ്യമന്ത്രിയായി വിഡി സതീശൻ ഇന്ന് അധികാരമേൽക്കും. പതിനാല് പുതുമുഖങ്ങൾ അടക്കം ഇരുപത് യുഡിഎഫ് മന്ത്രിമാർ ഇന്ന് സത്യപ്രതിജ്ഞ ചെയ്യും. കനത്ത സുരക്ഷയിലാണ് തലസ്ഥാനം.