പത്തനംതിട്ട ജില്ലാ കോൺഗ്രസ് കമ്മിറ്റി എക്സിക്യൂട്ടീവ് യോഗത്തിലാണ് ജില്ലയില് പുറത്ത് നിന്ന് കെട്ടി ഇറക്കുന്ന സ്ഥാനാർത്ഥികൾ വേണ്ടെന്ന ആവശ്യം ഉയര്ന്നത്. തിരുവല്ല മണ്ഡലം കോൺഗ്രസ് ഏറ്റെടുക്കണമെന്നും ആവശ്യം.
പത്തനംതിട്ട: വരുന്ന നിയമസഭാ തെരഞ്ഞെടുപ്പില് പത്തനംതിട്ടയില് പുറത്ത് നിന്നുള്ള സ്ഥാനാർത്ഥികൾ വേണ്ടെന്ന് നേതാക്കൾ. പത്തനംതിട്ട ജില്ലാ കോൺഗ്രസ് കമ്മിറ്റി എക്സിക്യൂട്ടീവ് യോഗത്തിലാണ് ജില്ലയില് പുറത്ത് നിന്ന് കെട്ടി ഇറക്കുന്ന സ്ഥാനാർത്ഥികൾ വേണ്ടെന്ന ആവശ്യം ഉയര്ന്നത്. അഞ്ച് സീറ്റുകളിലും ജില്ലയിൽ നിന്നുള്ള ആളുകൾ മത്സരിച്ചാൽ മതിയെന്നാണ് നേതാക്കളുടെ ആവശ്യം. ഭൂരിപക്ഷം നേതാക്കളും ആവശ്യത്തെ പിന്തുണച്ചു. തിരുവല്ല മണ്ഡലം കോൺഗ്രസ് ഏറ്റെടുക്കണമെന്നും യോഗത്തിൽ ആവശ്യം ഉയർന്നു. നിലവിൽ കേരള കോൺഗ്രസ് ജോസഫിന്റെ കൈവശമുള്ള തിരുവല്ല സീറ്റ് കോൺഗ്രസിന് കൈമാറണമെന്നാണ് നേതാക്കളുടെ ആവശ്യം. തീരുമാനം നേതൃത്വത്തെ അറിയിക്കുമെന്ന് യോഗത്തിൽ പങ്കെടുത്ത മുതിർന്ന നേതാക്കൾ അറിയിച്ചു.
