കഴിഞ്ഞ ദിവസം നൽകിയ ഒരു നോട്ടീസിൽ ഇന്നലെ ഹാജരാകാൻ ഇഡി ആവശ്യപ്പെട്ടിരുന്നു. എന്നാൽ വിദേശയാത്ര ഉള്ളതിനാൽ ഹാജരാകാൻ ആവില്ലെന്ന് അറിയിച്ചിരുന്നു. വിദേശയാത്രക്കായി വിമാനത്താവളത്തിൽ എത്തിയപ്പോൾ നോട്ടീസ് ഉണ്ടെന്നു പറഞ്ഞു യാത്ര തടഞ്ഞെന്നും ഫസൽ ഗഫൂർ പറഞ്ഞു.
കൊച്ചി: ഇഡി കസ്റ്റഡിയിലെടുത്തെന്ന വാർത്തകൾ തള്ളി എംഇഎസ് പ്രസിഡൻ്റ് ഫസൽ ഗഫൂർ. കഴിഞ്ഞ ദിവസം നൽകിയ ഒരു നോട്ടീസിൽ ഇന്നലെ ഹാജരാകാൻ ഇഡി ആവശ്യപ്പെട്ടിരുന്നു. എന്നാൽ വിദേശയാത്ര ഉള്ളതിനാൽ ഹാജരാകാൻ ആവില്ലെന്ന് അറിയിച്ചിരുന്നു. വിദേശയാത്രക്കായി വിമാനത്താവളത്തിൽ എത്തിയപ്പോൾ നോട്ടീസ് ഉണ്ടെന്നു പറഞ്ഞു യാത്ര തടഞ്ഞെന്നും ഫസൽ ഗഫൂർ ഏഷ്യാനെറ്റ് ന്യൂസിനോട് പറഞ്ഞു.
അതേസമയം, ഫസൽ ഗഫൂറിനെ ഏത് സമയത്തും ഇഡി കസ്റ്റഡിയിലെടുക്കാൻ സാധ്യതയുണ്ട്. നിലവിൽ കസ്റ്റഡിയിൽ അല്ലെന്നാണ് ഫസൽ ഗഫൂർ പറയുന്നത്. യാത്ര തടഞ്ഞു എന്നത് ശരിയാണ്. എന്നാൽ കസ്റ്റഡിയിൽ അല്ല. നോട്ടീസ് ലഭിച്ചത് വളരെ പെട്ടെന്നാണ്. മുൻകൂട്ടി നിശ്ചയിച്ച കാര്യങ്ങൾ ഉണ്ടായിരുന്നത് കൊണ്ട് ഹാജരാവാൻ കഴിഞ്ഞില്ല. എപ്പോഴാണ് ചോദ്യം ചെയ്യലെന്ന് വ്യക്തമാക്കിയിട്ടില്ലെന്നും ഫസൽ ഗഫൂർ പറഞ്ഞു. അതേസമയം, ഫസൽ ഗഫൂറിനെ വളരെ പെട്ടെന്ന് ചോദ്യം ചെയ്യുമെന്നാണ് വ്യക്തമാക്കുന്നത്.
