ഓഫീസ് സ്റ്റാഫിന് കൊവിഡ്; മന്ത്രി കടകംപള്ളി സുരേന്ദ്രൻ സ്വയം നിരീക്ഷണത്തിൽ

ഔദ്യോഗിക വസതിയിലെ ജീവനക്കാരിൽ ഒരാൾക്ക് കോവിഡ് സ്ഥിരീകരിച്ച സാഹചര്യത്തിലാണ് സ്വയം നിരീക്ഷണത്തിൽ പോകുന്നതെന്ന് മന്ത്രി പറഞ്ഞു. 

അതിനിടെ പൂന്തുറയെ പ്രത്യേക ക്ലസ്റ്ററായി കണ്ട് കര്‍ശന നടപടികളിലേക്ക് ആരോഗ്യവകുപ്പും കടന്നു. രോഗികളെ കണ്ടെത്താന്‍ പരിശോധനകള്‍ വ്യാപിപ്പിക്കാനും രോഗികളുമായി സമ്പര്‍ക്കത്തിലുള്ളവരെ ക്വാറന്‍റീനിലാക്കാനും തീരുമാനിച്ചു. തമിഴ്നാട്ടില്‍ നിന്നും വരുന്നവരെ പരിശോധിക്കാനായി പ്രത്യേകം ഒപിയും കിടത്തി ചികിത്സയ്ക്കും സൗകര്യമൊരുക്കുമെന്നും ആരോഗ്യമന്ത്രി കെ കെ ശൈലജയും അറിയിച്ചു. 

തിരുവനന്തപുരം: മന്ത്രി ഓഫീസിലെ ജീവനക്കാരന് കൊവിഡ് സ്ഥിരീകരിച്ചതിനെ തുടർന്ന് മന്ത്രി കടകംപള്ളി സുരേന്ദ്രൻ സ്വയം നിരീക്ഷണത്തിൽ പ്രവേശിച്ചു. മന്ത്രി തന്നെയാണ് ഇക്കാര്യം അറിയിച്ചത്. 

ഔദ്യോഗിക വസതിയിലെ ജീവനക്കാരിൽ ഒരാൾക്ക് കോവിഡ് സ്ഥിരീകരിച്ച സാഹചര്യത്തിലാണ് സ്വയം നിരീക്ഷണത്തിൽ പോകുന്നതെന്ന് മന്ത്രി പറഞ്ഞു. ഇന്ന് നടത്തിയ ആന്റിജൻ ടെസ്റ്റിലാണ് ജീവനക്കാരിൽ ഒരാൾക്ക് കോവിഡ് സ്ഥിരീകരിച്ചത്. ഒപ്പം ജോലി ചെയ്തിരുന്ന മറ്റു ജീവനക്കാരോടും സ്വയം നിരീക്ഷണത്തിൽ പോകാനും മന്ത്രി നിർദ്ദേശിച്ചു.