കാമ്പസുകളിൽ ലൈംഗീക അരാജകത്വവും ലിബറലിസവും കൊണ്ടുവരാൻ എസ്എഫ്ഐ ശ്രമം; ആരോപിച്ച് മുസ്ലീം സംഘടനകൾ
കാമ്പസുകളിൽ ലൈംഗിക അരാജകത്വവും ലിബറലിസവും കൊണ്ടുവരാൻ എസ്എഫ്ഐ ശ്രമിക്കുന്നുവെന്ന് ആരോപണങ്ങളുയർത്തി മുസ്ലീം സംഘടനകൾ.
കോഴിക്കോട്: കാമ്പസുകളിൽ ലൈംഗിക അരാജകത്വവും (sexual anarchy) ലിബറലിസവും (liberalism) കൊണ്ടുവരാൻ എസ്എഫ്ഐ (SFI) ശ്രമിക്കുന്നുവെന്ന് ആരോപണങ്ങളുയർത്തി മുസ്ലീം സംഘടനകൾ. കാസർകോട് എൽബിഎസ് കോളേജ് ഓഫ് എൻജിനീയറിങ്ങിലെ എസ്എഫ്ഐ യൂണിറ്റ് ഏതാനും ആഴ്ചകൾക്ക് മുമ്പ് സ്വവർഗ പ്രണയത്തെ പ്രോത്സാഹിപ്പിക്കുന്ന പോസ്റ്ററുകൾ പുറത്തിറക്കിയിരുന്നു. "നമുക്ക് കപട സദാചാരത്തിന്റെ കൈകൾ ബന്ധിക്കാം" എന്ന അടിക്കുറിപ്പോടെ ഒരു വിദ്യാർത്ഥി മുസ്ലീം പെൺകുട്ടിയുടെ കൈപിടിച്ച് നിൽക്കുന്ന മറ്റൊരു പോസ്റ്ററും പുറത്തിറങ്ങിയതായി ദ് ഇന്ത്യന്‌ എക്സ്പ്രസ് വാർത്തയിൽ വ്യക്തമാക്കുന്നു.
രാഷ്ട്രീയം പറയുന്നതിനുപകരം, ക്യാംപസുകളിൽ പ്രണയവും സ്വതന്ത്ര ലൈംഗികതയും പ്രചരിപ്പിക്കുന്നതിലാണ് ഇടതുപക്ഷ സംഘടനകൾ ഏർപ്പെട്ടിരിക്കുന്നത്. യുവാക്കളെ പാർട്ടിയിലേക്ക് ആകർഷിക്കുക എന്നതാണ് കമ്മ്യൂണിസ്റ്റ് അജണ്ടയെന്ന് മുസ്ലീം ലീഗ് ഉന്നതാധികാര സമിതി അംഗം പാണക്കാട് സയ്യിദ് സാദിഖ് അലി ശിഹാബ് തങ്ങൾ പറഞ്ഞു. തിങ്കളാഴ്ച ഇടുക്കി ജില്ലയിലെ മൂന്നാറിൽ മുസ്ലിം യൂഗ് ലീഗ് സംസ്ഥാന എക്‌സിക്യൂട്ടീവ് ക്യാമ്പ് ഉദ്ഘാടനം ചെയ്യുകയായിരുന്നു അദ്ദേഹം.
ഈ മാസം ആദ്യം കണ്ണൂരിൽ മുസ്ലീം പെൺകുട്ടിയും കമ്മ്യൂണിസ്റ്റ് കുടുംബത്തിലെ ഹിന്ദു ആൺകുട്ടിയും തമ്മിലുള്ള വിവാഹം മുസ്ലീം സമുദായം 'നിരീശ്വരവാദികളിൽ നിന്നും മതവിരുദ്ധ വിഭാഗങ്ങളിൽ നിന്നും' നേരിടുന്ന ഭീഷണിക്കെതിരെ പ്രചാരണത്തിനായി ലീഗ് പ്രചരണത്തിനായി ഉപയോഗിച്ചിരുന്നു.
അതേ സമയം ഇത് എസ്എഫ്ഐക്കെതിരെയുള്ള ആസൂത്രിത പ്രചരണമാണെന്ന് എസ്എഫ്ഐ സംസ്ഥാന സെക്രട്ടറിയും എംഎൽഎയുമായ കെ എം സച്ചിൻ ദേവ് വ്യക്തമാക്കി. രണ്ട് ദിവസം മുമ്പ് വിസ്ഡം ഇസ്ലാമിക് ഓർഗനൈസേഷൻ കോഴിക്കോട്ട് നടത്തിയ ഓറിയന്റേഷൻ ക്യാമ്പ് കുടുംബ വ്യവസ്ഥിതിയെ തകർക്കാനും ലൈംഗിക അരാജകത്വം പ്രോത്സാഹിപ്പിക്കാനുമുള്ള ശ്രമങ്ങൾക്കെതിരെ മുന്നറിയിപ്പ് നൽകിയിരുന്നു. ചില യുവജന സംഘടനകളും വിദ്യാർത്ഥി സംഘടനകളും സമൂഹത്തിൽ മതവിരുദ്ധ നിലപാടുകളും ലിബറലിസവും പ്രചരിപ്പിക്കുകയാണെന്ന് എസ്എഫ്ഐയുടെ പേര് പരാമർശിക്കാതെ വിസ്ഡം പുറത്തിറക്കിയ പ്രസ്താവനയിൽ പറഞ്ഞു.
സ്വവർഗരതി ഉൾപ്പെടെയുള്ള ധാർമിക അധഃപതനത്തെ പിന്തുണയ്‌ക്കാനുള്ള വിദ്യാർത്ഥികളുടെ സംഘടനയുടെ അപകടകരമായ ശ്രമങ്ങൾ നിയന്ത്രിക്കാൻ കേരള നദ്‌വത്തുൽ മുജാഹിദീൻ സിപിഎമ്മിനോട് ആവശ്യപ്പെട്ടു. വിശ്വാസത്തിലും ധാർമ്മികതയിലും ആഴത്തിൽ വേരൂന്നിയ കേരളത്തിന്റെ തനിമ സംരക്ഷിക്കും. സിപിഎമ്മിനെ രാഷ്ട്രീയമായി പിന്തുണയ്ക്കുന്ന സുന്നി യുവജന സംഘം (എസ്‌വൈഎസ്), സുന്നി സ്റ്റുഡന്റ്‌സ് ഓർഗനൈസേഷൻ (എസ്എസ്എഫ്) എന്നിവയുടെ കാന്തപുരം ഗ്രൂപ്പും എസ്എഫ്‌ഐക്കെതിരെ രംഗത്തെത്തിയത് ശ്രദ്ധേയമാണ്.
സമൂഹത്തിൽ നിലനിൽക്കുന്ന ധാർമ്മിക മൂല്യങ്ങൾ തകർക്കാനുള്ള മതേതര സംഘടനകളുടെ ശ്രമങ്ങളെ അടുത്തിടെ കായംകുളത്ത് നടന്ന എസ്‌വൈഎസ് നേതാക്കളുടെ ക്യാമ്പ് അപലപിച്ചു. സ്വതന്ത്ര ലൈംഗികത എന്ന ആശയത്തിൽ മുറുകെപ്പിടിച്ച് മുഖ്യധാരയിൽ തങ്ങളെത്തന്നെ നിലനിർത്താൻ ഇടതുപക്ഷ വിദ്യാർത്ഥി സംഘടനകൾ തീവ്രശ്രമം നടത്തുകയാണെന്ന് എസ്എസ്എഫ് സംസ്ഥാന കമ്മിറ്റി പറഞ്ഞു.
"ലൈംഗികതയിൽ ശ്രദ്ധ കേന്ദ്രീകരിക്കുന്ന അവരുടെ പ്രകടനങ്ങൾ കാമ്പസുകളിലെ ഏറ്റവും വലിയ പ്രശ്‌നം ലൈംഗിക ദാരിദ്ര്യമാണെന്ന ധാരണ നൽകും," എസ്എസ്എഫ് പറഞ്ഞു. എന്നാൽ ഈ വിവാദ വിഷയങ്ങളിൽ സംഘടന ഒരു നിലപാടും സ്വീകരിച്ചിട്ടില്ലെന്ന് എസ്എഫ്ഐ സംസ്ഥാന സെക്രട്ടറിയും എംഎൽഎയുമായ കെ എം സച്ചിൻ ദേവ് വ്യക്തമാക്കി. “ഞങ്ങളുടെ കേന്ദ്ര അല്ലെങ്കിൽ സംസ്ഥാന കമ്മിറ്റി ഈ വിഷയത്തിൽ പ്രതികരിച്ചിട്ടില്ല. ഒരു പ്രത്യേക സാഹചര്യത്തിൽ ക്യാമ്പസിൽ പോസ്റ്ററുകൾ പ്രത്യക്ഷപ്പെട്ടിരിക്കാം, ”സച്ചിൻ പറഞ്ഞു. സംഘടനയ്‌ക്കെതിരായ ആസൂത്രിത പ്രചാരണത്തിന്റെ ഭാഗമാണ് ആരോപണങ്ങളെന്നും അദ്ദേഹം പറഞ്ഞു. രാഷ്ട്രീയ ആവശ്യങ്ങൾക്കായി മതവികാരം ദുരുപയോഗം ചെയ്യുകയാണെന്നും അദ്ദേഹം പറഞ്ഞു.
