കണ്ണൂരും പാലക്കാടും വയനാടും പുതിയ ഹോട്ട്സ്പോട്ടുകള്; ആകെ എണ്ണം 144 ആയി
സംസ്ഥാനത്ത് ഇന്ന് 107 പേര്ക്കാണ് കൊവിഡ് സ്ഥിരീകരിച്ചത്. ഇതില് 71 പേര് വിദേശ രാജ്യങ്ങളില് നിന്നും 28 പേര് മറ്റ് സംസ്ഥാനങ്ങളില് നിന്നും വന്നതാണ്.
കണ്ണൂര്: സംസ്ഥാനത്തെ ആറുപ്രദേശങ്ങള് കൂടി കൊവിഡ് ഹോട്ട്സ്പോട്ട്. കണ്ണൂര് ജില്ലയിലെ എരുവേശ്ശി, ഉദയഗിരി, മങ്ങാട്ടിടം, കുറ്റ്യാട്ടൂര്, പാലക്കാട് ജില്ലയിലെ കൊടുവായൂര്, വയനാട് ജില്ലയിലെ പനമരം എന്നിവയാണ് പുതിയ ഹോട്ട് സ്പോട്ടുകള്. ഇതോടെ നിലവില് ആകെ 144 ഹോട്ട്സ്പോട്ടുകളാണ് ഉള്ളത്. അതേസമയം സംസ്ഥാനത്ത് ഇന്ന് 107 പേര്ക്കാണ് കൊവിഡ് സ്ഥിരീകരിച്ചത്. ഇതില് 71 പേര് വിദേശ രാജ്യങ്ങളില് നിന്നും 28 പേര് മറ്റ് സംസ്ഥാനങ്ങളില് നിന്നും വന്നതാണ്. സമ്പര്ക്കത്തിലൂടെ 8 പേര്ക്കാണ് രോഗം ബാധിച്ചത്. തൃശൂര് ജില്ലയിലെ 3 പേര്ക്കും മലപ്പുറം, പാലക്കാട് ജില്ലകളിലെ 2 പേര്ക്ക് വീതവും കൊല്ലം ജില്ലയിലെ ഒരാള്ക്കുമാണ് സമ്പര്ക്കത്തിലൂടെ രോഗം ബാധിച്ചത്.
അതേസമയം രോഗം സ്ഥിരികരിച്ച് ചികിത്സയിലായിരുന്ന 41 പേരുടെ പരിശോധനാഫലം നെഗറ്റീവ് ആയി. തൃശൂര് ജില്ലയില് നിന്നുള്ള 14 പേരുടെയും (2 പാലക്കാട് സ്വദേശി), കാസര്ഗോഡ് ജില്ലയില് നിന്നുള്ള 6 പേരുടെയും, പാലക്കാട്, കണ്ണൂര് ജില്ലകളില് നിന്നുള്ള 5 പേരുടെ വീതവും, കൊല്ലം, ആലപ്പുഴ ജില്ലകളില് നിന്നുള്ള 3 പേരുടെ വീതവും, തിരുവനന്തപുരം, പത്തനംതിട്ട, കോട്ടയം, മലപ്പുറം , കോഴിക്കോട് (തൃശൂര് സ്വദേശി) ജില്ലകളില് നിന്നുള്ള ഓരോരുത്തരുടെ വീതവുമാണ് പരിശോധനാഫലം നെഗറ്റീവ് ആയത്. ഇതോടെ 1095 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 803 പേര് ഇതുവരെ കോവിഡില് നിന്നും മുക്തി നേടി.