വയനാട് സന്ദർശനത്തിനിടെയുള്ള വൻ സുരക്ഷാ സന്നാഹത്തിൽ പ്രിയങ്ക ഗാന്ധിക്ക് അതൃപ്തി. സുരക്ഷാ വർധിപ്പിച്ചത് ജനങ്ങൾക്ക് ബുദ്ധിമുട്ടുണ്ടാക്കുന്നു എന്ന് അവർ വ്യക്തമാക്കി. ഈ സ്ഥിതി തുടർന്നാൽ സന്ദർശന വിവരങ്ങൾ മുൻകൂട്ടി അറിയിക്കില്ലെന്നും അവർ മുന്നറിയിപ്പ് നൽകി
മലപ്പുറം: സ്വന്തം മണ്ഡലമായ വയനാട്ടിൽ സന്ദർശനത്തിനെത്തിയപ്പോൾ തനിക്ക് ഒരുക്കിയ വൻ സുരക്ഷാ സന്നാഹത്തിൽ അതൃപ്തി രേഖപ്പെടുത്തി പ്രിയങ്ക ഗാന്ധി എം പി. ഇത്രയധികം സുരക്ഷാ ഉദ്യോഗസ്ഥരുടെ ആവശ്യം തനിക്കില്ലെന്നും സുരക്ഷാ ജീവനക്കാരുടെ എണ്ണക്കൂടുതൽ സാധാരണക്കാരായ ജനങ്ങൾക്ക് വലിയ ബുദ്ധിമുട്ടാണ് ഉണ്ടാക്കുന്നതെന്നും പ്രിയങ്ക വ്യക്തമാക്കി. ഇക്കാര്യം സി ആർ പി എഫ് ഉദ്യോഗസ്ഥരെ അവർ നേരിട്ട് അറിയിച്ചു. ഈ സ്ഥിതി ഇനി ആവർത്തിച്ചാൽ മണ്ഡലത്തിലേക്കുള്ള സന്ദർശന വിവരങ്ങൾ മുൻകൂട്ടി അറിയിക്കില്ലെന്ന മുന്നറിയിപ്പും പ്രിയങ്ക ഗാന്ധി നൽകി.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം
