ഗൗരിയമ്മ കേരള രാഷ്ട്രീയത്തിലെ കരുത്തുറ്റ സാന്നിധ്യം, പ്രചോദനം; രാഹുൽ ഗാന്ധി
'കേരള രാഷ്ട്രീയത്തിലെ കരുത്തുറ്റ സാന്നിധ്യമെന്ന നിലയിൽ നിരവധി പേർക്ക് പ്രചോദനമാണ് ഗൗരിയമ്മ. അവരുടെ മഹത്തായ ജീവിതയാത്രക്ക് വിട.' രാഹുൽ ട്വീറ്റ് ചെയ്തു.
തിരുവനന്തപുരം: കെ ആർ ഗൗരിയമ്മയുടെ നിര്യാണത്തിൽ അനുശോചനമറിയിച്ച് കോൺഗ്രസ് എംപി രാഹുൽ ഗാന്ധി. നിരവധി പേർക്ക് പ്രചോദനമായി ഗൗരിയമ്മയുടെ ഓർമ്മകൾ നിലനിൽക്കുമെന്നും രാഹുൽ ട്വീറ്റ് ചെയ്തു.
'കെ ആർ ഗൗരിയമ്മജിയുടെ കുടുംബത്തെ അനുശോചനം അറിയിക്കുന്നു. കേരള രാഷ്ട്രീയത്തിലെ കരുത്തുറ്റ സാന്നിധ്യമെന്ന നിലയിൽ നിരവധി പേർക്ക് പ്രചോദനമാണ് ഗൗരിയമ്മ. അവരുടെ മഹത്തായ ജീവിതയാത്രക്ക് വിട'. രാഹുൽ ട്വീറ്റ് ചെയ്തു.
സമാനതകളില്ലാത്ത നേതാവായിരുന്നു ഗൗരിയമ്മയെന്ന് പി ജെ ജോസഫ് അനുസ്മരിച്ചപ്പോൾ കരുത്തുറ്റ വനിതയെന്നാണ് കോൺഗ്രസ് നേതാവ് വയലാർ രവി ഗൗരിയമ്മയെ വിശേഷിപ്പിച്ചത്. കേരള രാഷ്ട്രീയ സാമൂഹിക ചരിത്രത്തിൽ നിറഞ്ഞു നിന്ന വ്യക്തിത്വത്തിനുടമയായിരുന്ന കെ ആർ ഗൗരിയമ്മ സമാനതകളില്ലാത്ത നേതാവായിരുന്നുവെന്നാണ് ജോസഫ് അനുസ്മരിച്ചത്.
Read Also: ഗൗരിയമ്മ സമാനതകളില്ലാത്ത നേതാവെന്ന് പി ജെ ജോസഫ്, കരുത്തുറ്റ വനിതയെന്ന് വയലാർ രവി...
