ടി നസറുദ്ദീന്‍റെ കടയില്‍ റെയ്ഡ്; പ്രതിഷേധവുമായി വ്യാപാരികള്‍, കടകള്‍ അടച്ചിടുമെന്ന് വെല്ലുവിളി
പരിശോധനയെ എതിര്‍ത്ത് വ്യാപാരികള്‍ രംഗത്തെത്തി. ലൈസൻസിന്‍റെ പേരിൽ പരിശോധന പാടില്ലെന്ന 1990-ലെ മുൻസിഫ് കോടതിയുടെ ഇൻജക്ഷനുണ്ടെന്നാണ് നസറുദ്ദീന്‍റെ വാദം.
വ്യാപാരി വ്യവസായി ഏകേപന സമിതി പ്രസിഡന്‍റ് ടി നസറുദ്ദീന്‍റെ കടയില്‍ റെയ്ഡ്. ലൈസൻസ് പുതുക്കാത്തതിനെത്തുടർന്ന് നഗരസഭാ അധികൃതരാണ് പരിശോധന നടത്തുന്നത്. അതേസമയം പരിശോധനയെ എതിര്‍ത്ത് വ്യാപാരികള്‍ രംഗത്തെത്തി. ലൈസൻസിന്‍റെ പേരിൽ പരിശോധന പാടില്ലെന്ന 1990-ലെ മുൻസിഫ് കോടതിയുടെ ഇൻജക്ഷനുണ്ടെന്നാണ് നസറുദ്ദീന്‍റെ വാദം.
പരിശോധനയ്ക്കെതിരെ പ്രതിഷേധവുമായി വ്യാപാരികൾ രംഗത്തെത്തി. പൊലീസിനേയും നഗരസഭാ ഉദ്യോഗസ്ഥരേയും വെല്ലുവിളിച്ച് വ്യാപാരികൾ മുഴുവന്‍ കടകളും അടച്ചിട്ട് പ്രതിഷേധിക്കുമെന്ന് അറിയിച്ചു. കട പൂട്ടാൻ അനുവദിക്കില്ലെന്നും കട പൂട്ടിയാൽ മൊത്തം വ്യാപാര സ്ഥാപനങ്ങൾ അടച്ചിടുമെന്നും വ്യാപാരികള്‍ വ്യക്തമാക്കി.
Last Updated Jun 15, 2019, 12:11 PM IST
