റേഷന് ഡിപ്പോ കൈക്കൂലി കേസിലെ സംസ്ഥാന സര്ക്കാരിന്റെ അപ്പീലിനെതിരെ അടൂര് പ്രകാശ് എംപി സുപ്രീം കോടതിയിൽ അപ്പീൽ നൽകി. 475 ദിവസം വൈകി നൽകിയ അപ്പീൽ ഫയലില് സ്വീകരിച്ച കേരള ഹൈക്കോടതി നടപടിക്കെതിരെയാണ് അപ്പീൽ നൽകിയത്
ദില്ലി: റേഷന് ഡിപ്പോ കൈക്കൂലി കേസിലെ സംസ്ഥാന സര്ക്കാരിന്റെ അപ്പീലിനെതിരെ അടൂര് പ്രകാശ് എംപി സുപ്രീം കോടതിയിയെ സമീപിച്ചു. 475 ദിവസം വൈകി നൽകിയ അപ്പീൽ ഫയലില് സ്വീകരിച്ച കേരള ഹൈക്കോടതി നടപടിക്കെതിരെയാണ് അടൂര് പ്രകാശ് സുപ്രീം കോടതിയിൽ അപ്പീൽ നൽകിയത്. അടൂര് പ്രകാശിനെ കോഴിക്കോട് വിജിലന്സ് കോടതി കേസിലെ പ്രതിപ്പട്ടികയില് നിന്ന് നേരത്തേ ഒഴിവാക്കിയിരുന്നു. അപ്പീല് വൈകിയതില് സര്ക്കാരിന് കൃത്യമായ വിശദീകരണം നല്കാനായില്ലെന്നും അടൂര് പ്രകാശ് അപ്പീലില് പറയുന്നു. 2005ല് യുഡിഎഫ് ഭരണ കാലത്ത് അടൂര് പ്രകാശ് ഭക്ഷ്യവകുപ്പ് മന്ത്രിയായിരിക്കെ റേഷന് ഡിപ്പോ അനുവദിക്കാനായി കോഴിക്കോട് സ്വദേശിയില് നിന്ന് 25 ലക്ഷം രൂപ കൈക്കൂലി ആവശ്യപ്പെട്ടെന്നാണ് കേസ്. ഹർജി അടുത്തമാസം ആറിന് സുപ്രീംകോടതി പരിഗണിക്കും. അഭിഭാഷകൻ എം എസ് വിഷ്ണു ശങ്കറാണ് അടൂർ പ്രകാശിനായി ഹർജി സമർപ്പിച്ചത്.
