സൂര്യ കൃഷ്ണമൂർത്തി ഇനി തിളക്കമുളള ഓർമ. തിരുവനന്തപുരം തൈക്കാട് ശാന്തികവാടത്തിൽ സംസ്ഥാന സർക്കാരിന്റെ ഔദ്യോഗിക ബഹുമതികളോടെയായിരുന്നു സംസ്കാരം.
തിരുവനന്തപുരം: സൂര്യ കൃഷ്ണമൂർത്തി ഇനി തിളക്കമുളള ഓർമ. തിരുവനന്തപുരം തൈക്കാട് ശാന്തികവാടത്തിൽ സംസ്ഥാന സർക്കാരിന്റെ ഔദ്യോഗിക ബഹുമതികളോടെയായിരുന്നു സംസ്കാരം. 49 വർഷമായി തുടരുന്ന സൂര്യ ഫെസ്റ്റിവലിൽ കലാപരിപാടികൾ തുടങ്ങിയിരുന്ന വൈകീട്ട് 6.45ന് തന്നെയായിരുന്നു സംസ്കാരം. ഇന്നലെ സൂര്യ കൃഷ്ണമൂർത്തി വിടവാങ്ങിയതും ഇതേ സമയത്തായത് യാദൃശ്ചികതയായി. ഇന്ന് രാവിലെ എട്ട് മണി മുതൽ തൈക്കാട് വീടിനോട് ചേർന്നുളള ഗണേശം സൂര്യ നാടകക്കളരിയിൽ പൊതുദർശനത്തിന് വച്ച മൃതദേഹത്തിൽ നൂറുകണക്കിന് പേർ ആദരാഞ്ജലികൾ അർപ്പിച്ചു. കലാരംഗത്ത് സൂര്യ കൃഷ്ണമൂർത്തി കൈപിടിച്ചവരും അരങ്ങൊരുക്കിയവരും ആദരവേകി. ലക്ഷ്മി ഗോപാലസ്വാമി, നവ്യ നായർ, ആശ ശരത് തുടങ്ങിയവരും മന്ത്രിമാരായ സണ്ണി ജോസഫ്, സിപി ജോൺ, പ്രതിപക്ഷ നേതാവ് പിണറായി വിജയൻ തുടങ്ങിയ നേതാക്കളും അന്തിമോപചാരം അർപ്പിച്ചു.
