തൃശ്ശൂർ പൂരത്തോടനുബന്ധിച്ച് യാത്രക്കാരുടെ തിരക്ക് പരിഗണിച്ച് ദക്ഷിണ റെയിൽവേ കൊല്ലം - തൃശ്ശൂർ റൂട്ടിൽ പ്രത്യേക മെമു ട്രെയിൻ സർവീസുകൾ പ്രഖ്യാപിച്ചു. ഏപ്രിൽ 26 ഞായറാഴ്ചയാണ് ഈ സർവീസുകൾ ലഭ്യമാകുക. പൂരത്തിന് പോകുന്നവർക്കും മടങ്ങിവരുന്നവർക്കും സൗകര്യപ്രദമായ രീതിയിലാണ് സമയക്രമം.
തൃശ്ശൂർ: തൃശ്ശൂർ പൂരത്തോടനുബന്ധിച്ച് യാത്രക്കാരുടെ തിരക്ക് പരിഗണിച്ചു കൊല്ലം - തൃശ്ശൂർ റൂട്ടിൽ സ്പെഷ്യൽ മെമു ട്രെയിനുകൾ സർവീസ് നടത്തുമെന്ന് ദക്ഷിണ റെയിൽവേ. പൂരപ്രേമികളുടെ യാത്രാസൗകര്യം കണക്കിലെടുത്താണിത്. ഏപ്രിൽ 26 ഞായറാഴ്ചയാണ് ഈ സർവീസുകൾ ലഭ്യമാകുക. 12 കോച്ചുകളുള്ള മെമു റാക്കുകളാണ് ഇതിനായി ഉപയോഗിക്കുന്നത്. പൂരത്തിന് പോകുന്നവർക്കും തിരികെ വരുന്നവർക്കും ഏറെ ഉപകാരപ്പെടുന്ന രീതിയിലാണ് ഈ ട്രെയിനിന്റെ സമയക്രമം നിശ്ചയിച്ചിരിക്കുന്നതെന്ന് റെയിൽവെ അറിയിച്ചു.
കൊല്ലം - തൃശ്ശൂർ മെമു (06187): ഏപ്രിൽ 26 ഞായറാഴ്ച രാവിലെ 08.20-ന് കൊല്ലം ജംഗ്ഷനിൽ നിന്ന് പുറപ്പെടുന്ന ട്രെയിൻ പെരിനാട് (08.30), ശാസ്താംകോട്ട (08.41), കരുനാഗപ്പള്ളി (08.51), ഓച്ചിറ (09.00), കായംകുളം (09.08), മാവേലിക്കര (09.17), ചെങ്ങന്നൂർ (09.28), തിരുവല്ല (09.37), ചങ്ങനാശ്ശേരി (09.46), ചിങ്ങവനം (09.55), കോട്ടയം (10.03), ഏറ്റുമാനൂർ (10.15), കുറുപ്പന്തറ (10.26), വൈക്കം റോഡ് (10.35), പിറവം റോഡ് (10.48), മുളന്തുരുത്തി (11.01), തൃപ്പൂണിത്തുറ (11.13), എറണാകുളം ടൗൺ (11.30), ഇടപ്പള്ളി (11.42), കളമശ്ശേരി (11.50), ആലുവ (11.58), അങ്കമാലി (12.08), കൊരട്ടി അങ്ങാടി (12.13), ചാലക്കുടി (12.23), ഇരിങ്ങാലക്കുട (12.32), പുതുക്കാട് (12.44), ഒല്ലൂർ (12.53) എന്നീ സ്റ്റേഷനുകളിൽ നിർത്തിയ ശേഷം ഉച്ചയ്ക്ക് 01.30-ന് തൃശ്ശൂരിലെത്തും.
തൃശ്ശൂർ - കൊല്ലം മെമു (06188): ഏപ്രിൽ 26 ഞായറാഴ്ച രാത്രി 09.30-ന് തൃശ്ശൂരിൽ നിന്ന് മടങ്ങുന്ന ട്രെയിൻ ഒല്ലൂർ (09.38), പുതുക്കാട് (09.47), ഇരിങ്ങാലക്കുട (09.59), ചാലക്കുടി (10.07), കൊരട്ടി അങ്ങാടി (10.17), അങ്കമാലി (10.25), ആലുവ (10.37), കളമശ്ശേരി (10.45), ഇടപ്പള്ളി (10.53), എറണാകുളം ടൗൺ (11.02), തൃപ്പൂണിത്തുറ (11.21), മുളന്തുരുത്തി (11.30), പിറവം റോഡ് (11.40), വൈക്കം റോഡ് (11.46), കുറുപ്പന്തറ (11.55), ഏറ്റുമാനൂർ (12.03 AM), കോട്ടയം (12.12 AM), ചിങ്ങവനം (12.21 AM), ചങ്ങനാശ്ശേരി (12.30 AM), തിരുവല്ല (12.40 AM), ചെങ്ങന്നൂർ (12.49 AM), മാവേലിക്കര (01.00 AM), കായംകുളം (01.09 AM), ഓച്ചിറ (01.18 AM), കരുനാഗപ്പള്ളി (01.27 AM), ശാസ്താംകോട്ട (01.36 AM), പെരിനാട് (01.47 AM) എന്നിങ്ങനെ ഓരോ സ്റ്റേഷനിലും നിർത്തുന്നതാണ്. ഏപ്രിൽ 27 തിങ്കളാഴ്ച പുലർച്ചെ 02.30-ന് ട്രെയിൻ കൊല്ലം ജംഗ്ഷനിൽ യാത്ര അവസാനിപ്പിക്കും.
