എന്താണ് ബൾജിങ് ഡിസ്ക്ക് ; ലക്ഷണങ്ങള് ഇവയാണ്
ബൾജിങ് ഡിസ്ക്ക് അല്ലെങ്കില് സ്ലിപ്പിങ്ങ് ഡിസ്ക്ക് എന്ന രോഗം എന്താണെന്ന് പലര്ക്കും അറിയില്ല.
കഴുത്ത് വേദന, അരക്കെട്ട് വേദന തുടങ്ങിയവ അനുഭവപ്പെടാറുണ്ടോ? ബൾജിങ് ഡിസ്ക്ക് അല്ലെങ്കില് സ്ലിപ്പിങ്ങ് ഡിസ്ക്ക് എന്ന രോഗം ആകാം. എന്താണ് ഈ രോഗം എന്ന് പലര്ക്കും അറിയില്ല. നട്ടെല്ലിന്റെ തരുണാസ്ഥി നിര്മ്മിതമായ വ്യത്താകാര പ്ലേറ്റുകള് തെന്നിമാറുന്ന അവസ്ഥയാണ് ഇത്.
ബൾജിങ് ഡിസ്ക്ക് പലരിലും കണ്ടുവരുന്ന രോഗാവസ്ഥയാണ്. പ്രായം വര്ധിച്ചുവരുന്നതും ഈ അവസ്ഥയ്ക്ക് കാരണമാകുന്നു. അമിതഭാരം ഉയര്ത്തുകയോ, പെട്ടെന്ന് ശരീരഭാരം അമിതമായി വര്ധിക്കുകയോ ചെയ്യുമ്പോള് ഇത് സംഭവിക്കാം. കൃത്യമായ രീതിയിലല്ലാതെ ഭാരം ഉയര്ത്തുമ്പോഴും ബള്ജിങ് ഡിസ്ക്ക് സംഭവിക്കാം.
കഴുത്ത്, അരക്കെട്ട് തുടങ്ങിയ ശരീരഭാഗങ്ങള്ക്ക് ഉണ്ടാകുന്ന വേദന, തരിപ്പ്, മരവിപ്പ് എന്നിവ അനുഭവപ്പെടുന്നത് ഈ അവസ്ഥയുടെ പ്രധാന ലക്ഷണങ്ങളാണ്. തുടക്കത്തിലെ ചികിത്സിച്ചാല് രോഗം ഭേദമാകാം.