ജീവിതമാകുന്ന ഒരുമിച്ചുള്ള യാത്രയുടെ പങ്കുവെക്കലിന്റെ ആദ്യ നിമിഷമാണ് ആദ്യരാത്രിയില് ദമ്പതികള് പാല് കുടിക്കുന്നതിലൂടെ പറയുന്നത്. വളരെ പഴയ പാരമ്പര്യമാണെങ്കിലും ഈ ആചാരത്തിന് പല വിശ്വാസങ്ങളും വാസ്തവങ്ങളുമുണ്ട്, മാത്രമല്ല, ആരോഗ്യപരമായ ചില കാരണങ്ങളും. ഇന്ത്യാക്കാര്ക്കിടയില് പശുവിനും പാലിനും അമിതമായ പ്രധാന്യമുള്ളതിനാല് പുരാതനകാലം മുതല് ആദ്യരാത്രിയില് പാല് ഉപയോഗിച്ചിരുന്നു. പാല് കുടിച്ചുകൊണ്ട് പുതിയ ജീവിതം തുടങ്ങിയാല് എല്ലാ നന്മകളും ഐശ്വര്യങ്ങളും ഉണ്ടാകുമെന്നും വിശ്വാസമുണ്ട്.
ശുഭകാര്യങ്ങള് തുടങ്ങാന് പാല് നല്ലതാണെന്നും വിശ്വാസമുണ്ട്. അതിന്റെ ഭാഗമായിട്ടാണ് പുതിയ വീട്ടിലേക്ക് താമസം മാറുബോള് പാല് തിളപ്പിക്കുന്നത്. കൂടാതെ ആരോഗ്യത്തിനും പാല് ഉത്തമമാണ്. വിവാഹ ദിവസത്തിന്റെ ആഘോഷവും അലച്ചിലും കഴിയുമ്പോള് ശരീരം വല്ലാതെ ക്ഷീണിക്കുന്നു. ഇതിന് ശേഷം പാല് കുടിച്ചാല് ശരീരത്തിന് ഊര്ജം ലഭിക്കുന്നു. അതിലുപരിയായി പാല് കുടിക്കുന്നത് ലൈംഗികശക്തി വര്ദ്ധിപ്പിക്കുകയും നല്ല ഉറക്കം ലഭിക്കുന്നതിന് സഹായിക്കുകയും ചെയ്യും. ആയുര്വേദ പ്രകാരം പ്രത്യുല്പാദനക്ഷമത വര്ദ്ധിപ്പിക്കാന് പാല് സഹായിക്കും. ശരീരത്തിലെ വാത, പിത്ത പ്രകൃതം ബാലന്സ് ചെയ്യാന് പാലിന് അപാരമായ കഴിവുണ്ട്. കിടക്കുന്നതിന് മുമ്പ് ചെറിയ ചൂടുള്ള പാല് പതിവാക്കുന്നത് സന്താനോല്പാദനത്തിന് സഹായകമാണ്.
എന്നാല് ഈ പാലില് എന്തു ചേര്ക്കുന്നു എന്ന് അനുസരിച്ചായിരിക്കും അന്നത്തെ അനുഭവം. ചിലര് പാലില് പഞ്ചസാര ചേര്ക്കും മറ്റു ചിലര് കുങ്കുമപ്പു ചേര്ക്കും പാലില് മഞ്ഞള് ചേര്ത്തു നല്കുന്ന സ്ഥലങ്ങളും ഉണ്ട്. എന്നാല് പാലില് കുരുമുളകു ചേര്ത്തു തിളപ്പിച്ചു നല്കിയാലോ... ഒരോന്നിന്റെയും ഫലങ്ങള് വ്യത്യസ്തമായിരിക്കും.
പാലില് പഞ്ചസാര ചേര്ത്തു നല്കിയാല് താല്ക്കാലിക ഊര്ജം ലഭിക്കും. പഞ്ചസാര ആരോഗ്യത്തിനു നല്ലതല്ല എങ്കിലും കിടപ്പറയില് ഊര്ജം ലഭിക്കാന് ഇതു നല്ലതാണ്.
മഞ്ഞള്പ്പൊടി പെരിഞ്ചിരകം കുരുമുളക് എന്നിവ ഒരുമിച്ചു ചേര്ത്തു തിളപ്പിച്ചു നല്കിയാല് രോഗപ്രതിരോധശേഷി വര്ധിക്കും.
അറേഞ്ച്മാരേജാണെങ്കില് മസാലകള് ചേര്ത്തു തിളപ്പിച്ച പാലാണു നല്ലത് എന്നാണ് ഉത്തരേന്ത്യന് രീതി, ഇത് ദമ്പതികള്ക്കിടയിലെ അപരിചിതത്വം കുറയ്ക്കാന് സഹായിക്കും.
കുങ്കുമപ്പൂ പെരിഞ്ചീരകം എന്നിവ ചേര്ത്തു തിളപ്പിച്ച പാല് ആദ്യരാത്രിയില് ദമ്പതികള് കുടിച്ചാല് റിലാക്സ് ചെയ്യാന് സഹായിക്കും.
കുരുമുളക്, ബദാം എന്നിവ ഇട്ടു തിളപ്പിക്കുന്ന പാല് ദമ്പതികള് ആദ്യ രാത്രിയില് കുടിച്ചാല് ഇതു ലൈംഗിക വികാരങ്ങളെ ഉണര്ത്താന് സഹായിക്കുമത്രെ.
