ഒട്ടുമിക്കപേരും വീടുകളിൽ പൂച്ചയെ വളർത്തുമ്പോൾ അവർക്ക് ആവശ്യത്തിലും അധികമായ പൂച്ച ഭക്ഷണങ്ങൾ വാങ്ങി നൽകാറുണ്ട്. എന്നാൽ ചില കാര്യങ്ങൾ നമ്മൾ എത്രയൊക്കെ മാറ്റാൻ ശ്രമിച്ചാലും പ്രകൃതി നിയമങ്ങളെ നമുക്ക് ഒരിക്കലും തിരുത്താൻ സാധിക്കില്ല.
മീൻ കഴിക്കാൻ താല്പര്യമുള്ളവർ പൂച്ചകളെ പോലെ വേറെ ആരുമില്ലെന്ന് ഉറപ്പിച്ച് പറയാൻ സാധിക്കും. അതുപോലെ തന്നെയാണ് എലിയുടെ പിറകെ പൂച്ച പോകുന്നതും. ഈ രണ്ട് കാഴ്ചകളും നമുക്കെല്ലാം സുപരിചിതമാണെങ്കിലും ഇതിന് പിന്നിൽ ഒരു കാരണമുണ്ട്. ഒട്ടുമിക്കപേരും വീടുകളിൽ പൂച്ചയെ വളർത്തുമ്പോൾ അവർക്ക് ആവശ്യത്തിലും അധികമായ പൂച്ച ഭക്ഷണങ്ങൾ വാങ്ങി നൽകാറുണ്ട്. എന്നാൽ ചില കാര്യങ്ങൾ നമ്മൾ എത്രയൊക്കെ മാറ്റാൻ ശ്രമിച്ചാലും പ്രകൃതി നിയമങ്ങളെ നമുക്ക് ഒരിക്കലും തിരുത്താൻ സാധിക്കില്ല. പൂച്ചയെ വളർത്താൻ ഒരുങ്ങുമ്പോൾ അവരുടെ ഭക്ഷണ രീതിയെക്കുറിച്ചും വ്യകതമായി അറിയേണ്ടതുണ്ട്.
1. മാംസഭുക്കുകളാണ് പൂച്ചകൾ അതിനാൽ തന്നെ അവരുടെ ശാരീരിക ഘടനയും ഇരയെ വേട്ടയാടി കഴിക്കാൻ പാകത്തിനാണ് രൂപകൽപ്പന ചെയ്തിരിക്കുന്നത്.
2. മാംസങ്ങളിൽ നിന്നും ലഭിക്കുന്ന ടോറിൻ പോലുള്ള അമിനോ ആസിഡുകൾ പൂച്ചയുടെ നല്ല ആരോഗ്യത്തിന് പ്രധാനമാണ്. മീനിലും എലികളിലും ടോറിൻ ധാരാളം അടങ്ങിയിട്ടുണ്ട്. അതിനാലാണ് എപ്പോഴും ഇവരുടെ പിന്നാലെ പൂച്ച പായുന്നത്.
Related Articles
3. മനുഷ്യനും നായ്ക്കളും കഴിക്കുന്ന ഭക്ഷണങ്ങൾ അല്ല ശരിക്കും പൂച്ചകൾക്ക് വേണ്ടത്. അവയ്ക്ക് കൂടുതൽ പ്രോട്ടീൻ അടങ്ങിയ ഭക്ഷണമാണ് ആവശ്യം.
4. മൽസ്യം, പാൽ, പുഴുങ്ങിയ മുട്ട, മാംസം, ചോറ്, വേവിച്ച ഉരുളകിഴങ്ങ്, പച്ചക്കറികൾ എന്നിവ നൽകിയാൽ ആവശ്യത്തിനുള്ള പ്രോട്ടീനും വിറ്റാമിനുകളും പൂച്ചകൾക്ക് ലഭിക്കും.
5. അതേസമയം വേവിക്കാത്ത മാംസം, മൽസ്യം, പച്ചമുട്ട എന്നിവ പൂച്ചകൾക്ക് നൽകാൻ പാടില്ല. ഇത് പൂച്ചയുടെ ശരീരത്തിൽ ബാക്റ്റീരിയകൾ ഉണ്ടാകാനും അതുമൂലം രോഗങ്ങൾ വരാനും കാരണമാകുന്നു.
6. സസ്യാഹാരങ്ങൾ ദഹിപ്പിക്കാനുള്ള ശേഷി പൂച്ചകൾക്ക് വളരെ കുറവാണ്. അതിനാൽ തന്നെ വളർത്ത് പൂച്ചകൾക്ക് പച്ചക്കറികൾ നൽകുമ്പോൾ നന്നായി വേവിക്കാൻ മറക്കരുത്. ഇല്ലെങ്കിൽ ഇവർ ഛർദിക്കാൻ സാധ്യതയുണ്ട്.
7. വൃത്തിയുള്ള മൃഗമാണ് പൂച്ചകൾ. ഭക്ഷണ ക്രമത്തിലും അവർ ഏറെ ശുചിത്വം പാലിക്കുന്നു. അതിനാൽ തന്നെ പൂച്ചകൾക്ക് ഭക്ഷണം നൽകുമ്പോൾ വൃത്തിയുള്ള സ്ഥലത്തും പുതിയ ഭക്ഷണങ്ങളും നൽകാം.
8. ഗർഭിണികൾ തുടങ്ങി മുലയൂട്ടുന്ന പൂച്ചകൾക്ക് ധാരാളം ഭക്ഷണവും ശുദ്ധമായ ജലവും അത്യാവശ്യമാണ്. ഇത്തരം പൂച്ചകൾക്ക് പ്രത്യേക ശ്രദ്ധ കൊടുക്കാൻ ശ്രദ്ധിക്കേണ്ടതുണ്ട്.
9. ഇന്ന് പൂച്ചകളുടെ പ്രായത്തിനും ഭാരത്തിനും അനുസരിച്ചുള്ള റെഡിമെയ്ഡ് ഭക്ഷണങ്ങൾ ലഭ്യമാണ്. അതിനനുസരിച്ച് അവ വാങ്ങി കൊടുക്കാം. അതേസമയം അമിതമായി ഭക്ഷണം നൽകുന്നത് പൊണ്ണത്തടിക്കും പ്രമേഹത്തിനും കാരണമാകുന്നു.
