പലതും വെറും നുണ പ്രചരണം മാത്രമാണ്.
ജനങ്ങളില് ഭീതി പടര്ത്തുന്ന ചില സന്ദേശങ്ങള് സോഷ്യല് മീഡിയയിലൂടെ പ്രചരിക്കുന്നത് ഇപ്പോള് പതിവാകുന്നു. പലതും വെറും നുണ പ്രചരണം മാത്രമാണ്. അടുത്തിടയായി സമൂഹമാധ്യമങ്ങളിലൂടെ കറങ്ങി നടക്കുന്ന അത്തരമൊരു വാര്ത്തയാണ് രാത്രിയില് ദീര്ഘനേരം മൊബൈല് ഫോണ് ഉപയോഗിക്കുന്നവര്ക്ക് ക്യാന്സര് ഉണ്ടാകുമെന്നത്. എന്നാല് ഈ വാര്ത്ത തെറ്റാണെന്ന് പല ഡോക്ടര്മാരും വെളിപ്പെടുത്തി.
ഈ വാര്ത്ത ഒരു ശാസ്ത്രീയാടിത്തറയുമില്ലാത്ത വിവരക്കേടാണെന്നാണ് പല ഡോക്ടർമാരുടെയും അഭിപ്രായം. മൊബൈൽ യുഗത്തിനും വർഷങ്ങൾക്ക് മുന്നേ ഉണ്ടായിരുന്ന 4 രോഗങ്ങളാണ് ചിത്രത്തിൽ കാണുന്നത് എന്നാണ് ഒരു ഡോക്ടറിന്റെ വിലയിരുത്തല്. ലൈറ്റ് ഓഫ് ചെയ്ത ശേഷം രാത്രിയില് ദീര്ഘനേരം മൊബൈല് ഫോണ് ഉപയോഗിക്കുന്ന കൊണ്ട് ആര്ക്കും ക്യാന്സര് വന്നിട്ടില്ല. ഇത്തരത്തിലുളള സന്ദേശങ്ങളെ വിശ്വസിക്കരുതെന്നും ഡോക്ടര്മാര് പറയുന്നു.
ഇതാണ് ആ സന്ദേശം..!
മൊബൈലും കാന്സര് ഉണ്ടാക്കാം...!
ലൈറ്റ് ഓഫ് ചെയ്ത ശേഷം രാത്രിയില് ദീര്ഘനേരം മൊബൈല് ഫോണ് ഉപയോഗിക്കുന്നവര് ശ്രദ്ധിക്കുക. കണ്ണിന് കാന്സര് വരാനുള്ള സാധ്യത ഏറെയാണ്. ആവശ്യമായ വെളിച്ചത്തില് മാത്രം മൊബൈല് ഫോണ് ഉപയോഗിക്കാന് ശ്രദ്ധിക്കുക...
ഈ മെസേജ് ഷെയര് ചെയ്യൂ... സൂഹൃത്തുക്കളില് എത്തിക്കൂ....!
