Asianet News MalayalamAsianet News Malayalam

400 മണികൂര്‍, 750 മീറ്റര്‍ ഇന്‍സുലേഷന്‍ ടേപ്പ്; കൊറോണ തീമില്‍ ഒരു ഗൗണ്‍ !

പല നിറത്തിലും വലിപ്പത്തിലുമുള്ള ടേപ്പുകള്‍ കൊണ്ടാണ് ഗൗണ്‍ ഡിസൈന്‍ ചെയ്തിരിക്കുന്നത്. നീല നിറമാണ് കൂടുതലായി ഉപയോഗിച്ചിരിക്കുന്നത്.  

400 Hours Making a covid Themed gown
Author
Thiruvananthapuram, First Published Jun 26, 2020, 7:05 PM IST
  • Facebook
  • Twitter
  • Whatsapp

ലോക്ക്ഡൗണ്‍ കാലത്ത് പത്രക്കടലാസില്‍ ഫാഷന്‍ പരീക്ഷണങ്ങള്‍ നടത്തിയ പലരുടെയും വാര്‍ത്തകള്‍ നാം കണ്ടതാണ്. എന്നാല്‍ ഇവിടെയാരു പെണ്‍കുട്ടി 'ഡക്ട് ടേപ്പ്' അഥവാ 'ഇന്‍സുലേഷന്‍ ടേപ്പ്' ഉപയോഗിച്ചാണ് തന്‍റെ ഫാഷന്‍ പരീക്ഷണം നടത്തിയിരിക്കുന്നത്. സ്പാര്‍ട്ട സ്വദേശിനിയായ പെയ്തണ്‍ മാന്‍കര്‍ എന്ന പതിനെട്ടുകാരിയാണ് ഈ മനോഹരമായ പരീക്ഷണത്തിന് പിന്നില്‍. 

400 Hours Making a covid Themed gown

 

ഇരുമ്പ് സാധനങ്ങള്‍ പൊതിയാന്‍ ഉപയോഗിക്കുന്ന ഡക്ട് ടേപ്പ് കൊണ്ട് അതിമനോഹരമായ ഒരു ഗൗണ്‍ ആണ് പെയ്തണ്‍ നിര്‍മ്മിച്ചിരിക്കുന്നത്. കൊറോണ വൈറസ് തീമിലാണ് ഈ ഗൗണ്‍ ചെയ്തിരിക്കുന്നത്. 750 മീറ്ററോളം ടേപ്പ് ഇതിനായി വേണ്ടിവന്നു.  400 മണിക്കൂര്‍ സമയം എടുത്താണ് ഇത് ചെയ്തത് എന്നും പെയ്തണ്‍ പറയുന്നു. അതായത് ഏകദേശം പതിനേഴ് ദിവസം. 

10,000 ഡോളറിന്റെ സ്‌കോളര്‍ഷിപ്പിനുള്ള 'സ്റ്റക് അറ്റ് പ്രോം' എന്ന മത്സരത്തിന് വേണ്ടിയാണ് പെയ്തണ്‍ ഈ പരീക്ഷണം നടത്തിയത്. 'ഡക്ക് ബ്രാന്‍ഡ്' എന്ന അമേരിക്കന്‍ കമ്പനിയാണ് ഈ മത്സരം സംഘടിപ്പിക്കുന്നത്.  

400 Hours Making a covid Themed gown

 

ചിത്രം വരയ്ക്കാനും വസ്ത്രങ്ങള്‍ ഡിസൈന്‍ ചെയ്യാനും മുന്‍പേ പെയ്തണിന് ഇഷ്ടമാണ്. ആദ്യം ലിയനാര്‍ഡോ ഡാവിഞ്ചിയുടെ ചിത്രങ്ങളുള്ള വസ്ത്രം ചെയ്യാനായിരുന്നു തീരുമാനം. പിന്നീട് കൊറോണ തീമിലേക്ക് എത്തുകയായിരുന്നു. 

400 Hours Making a covid Themed gown

 

പല നിറത്തിലും വലിപ്പത്തിലുമുള്ള ടേപ്പുകള്‍ കൊണ്ടാണ് ഗൗണ്‍ ഡിസൈന്‍ ചെയ്തിരിക്കുന്നത്. നീല നിറമാണ് കൂടുതലായി ഉപയോഗിച്ചിരിക്കുന്നത്.  മാസ്‌ക് ധരിച്ച ആളുകള്‍, ഡോക്ടര്‍മാര്‍,  നഴ്സുമാര്‍, മാസ്‌കിനരികിലേക്ക് വരുന്ന കൊറോണ വൈറസുകള്‍... അങ്ങനെ കൊറോണക്കാലം മുഴുവനും ഈ ഗൗണില്‍ കാണാം.  

400 Hours Making a covid Themed gown

 

ഒപ്പം കൊറോണ വൈറസിന്റെ ആകൃതിയിലുള്ള ഹാന്‍ഡ് ബാഗ്, ഹെയര്‍ ക്ലിപ്പ്, കമ്മലുകള്‍, റിസ്റ്റ്ബാന്‍ഡ് , മാസ്ക് എന്നിവയും പെയ്തണ്‍ ഡിസൈന്‍ ചെയ്തു. 

400 Hours Making a covid Themed gown

 

ഈ ചിത്രങ്ങള്‍ സോഷ്യല്‍ മീഡിയയില്‍ വൈറലാവുകയും ചെയ്തു. ' ലോകം മുഴുവന്‍ ഈ വസ്ത്രം വൈറലായതില്‍ അതിയായ സന്തോഷമുണ്ട്. ഇത് ഒരിക്കലും പ്രതീക്ഷിച്ചതല്ല. ധാരാളം സന്ദേശങ്ങള്‍ വരുന്നുണ്ട്. സന്തോഷം '- എന്നാണ് പെയ്തണിന്‍റെ പ്രതികരണം. 

400 Hours Making a covid Themed gown

 

Also Read: 'ഇത് ലോക്ക്ഡൗണ്‍ കാലത്ത് കിട്ടിയ ഐഡിയ'; പത്രകടലാസ് കൊണ്ട് സാരി ഉടുത്ത് ടെക്കി...

 

Follow Us:
Download App:
  • android
  • ios