കല്യാണം ഏറെ വ്യത്യസ്തമായി നടത്താൻ ആ​ഗ്രഹിക്കുന്നവരാണ് ഇന്ന് അധികവും. കല്യാണത്തിന് മുൻപായി പ്രീ ​വെ​ഡ്ഡിം​ഗ് വീ​ഡി​യോ ഷൂ​ട്ടിം​ഗു​ക​ൾ പൊടിപൊടിക്കുന്ന കാലം. ചെളിയിലും വെള്ളത്തിലും കു​ള​ത്തി​ലുമൊക്കെയാണ് ഷൂട്ടുകൾ നടക്കുന്നത്. കല്യാണത്തിന് വധൂവരന്മാർ എത്തുന്നത് സം​ഗീതവും നൃത്തവുമായൊക്കെയാണ്. 

എ​ന്നാ​ൽ, സോ​ഷ്യ​ൽ മീ​ഡി​യ​യി​ലെ ഇ​പ്പോ​ഴ​ത്തെ താ​രം ഒ​രു വ​ധു​വാ​ണ്. വി​വാ​ഹ​ത്തി​നാ​യി വ​ധു എ​ത്തു​ന്ന രീ​തി​യാ​ണ് പ്ര​ത്യേ​ക​ത​യു​ള്ള​താ​ക്കി​യിരിക്കുന്നത്. ശ​വ​പ്പെ​ട്ടി​യി​ലാ​ണ് വ​ധു വി​വാ​ഹ​ത്തി​നാ​യി എ​ത്തി​യ​ത്. ക​റു​ത്ത തു​ണി​കൊ​ണ്ട് പൊ​തി​ഞ്ഞ ശ​വ​പ്പെ​ട്ടി​യാ​ണ് അ​തി​ഥി​ക​ൾ​ക്കി​ട​യി​ലേ​ക്ക് ആ​ദ്യം എത്തുന്നത്. ആളുകൾ നോക്കി നിൽക്കുമ്പോൾ ശ​വ​പ്പെ​ട്ടി​ തുറ​ന്ന് വ​ധു അ​തി​ഥി​ക​ൾ​ക്കിട​യി​ലേ​ക്ക് ഇ​റ​ങ്ങു​ക​യാ​ണ്.

ശേഷം വി​വാ​ഹ​ത്തി​ൽ പ​ങ്കെ​ടു​ക്കാ​നെ​ത്തി​യ അ​തി​ഥി​ക​ൾ വധുവിനെ വാരിപുണരുന്നു. വ​ധു അ​തി​ഥി​ക​ൾ​ക്കൊ​പ്പം ഡാ​ൻ​സ് ചെ​യ്യു​ന്ന​തും വീ​ഡി​യോ​യി​ൽ കാ​ണാം. ​ഗ്ലോഡൻ നിറത്തിലുള്ള ​ഗൗൺ ധരിച്ചാണ് വധു വേദിയിലെത്തിയത്. ഇത് വിവാ​​ഹ ചടങ്ങോ അതോ ശവസംസ്കാരം ചടങ്ങോ എന്നാണ് വീഡിയോയ്ക്ക് താഴേ ചിലർ കമന്റ് ചെയ്തതു. ഇത് അത്ര നല്ല ആശയമല്ലെന്നും ചിലർ കമന്റ് ചെയ്തു.