വ്യായാമവും കൃത്യസമയത്ത് ആരോഗ്യകരമായ ഭക്ഷണങ്ങള് കഴിക്കുകയും ചെയ്താല് വണ്ണം കുറയ്ക്കാന് കഴിയും. വണ്ണം കുറയ്ക്കാന് ആഗ്രഹിക്കുന്നവര് ശ്രദ്ധിക്കേണ്ട ചില കാര്യങ്ങള് എന്തൊക്കെയാണെന്ന് നോക്കാം.
ദിനംപ്രതി കൂടി വരുന്ന വണ്ണം (body weight) നോക്കി നെടുവീർപ്പെടുകയാണ് പലരും. വണ്ണം കുറയ്ക്കാന് ഒന്നല്ല, ഒരായിരം വഴികള് പരീക്ഷിച്ചു എന്നാണ് പലരും പറയുന്നത്. വണ്ണം കുറയ്ക്കാനായി (to lose weight) ആദ്യം ആരോഗ്യകരമായ ഭക്ഷണശീലവും ചിട്ടയായ ജീവിതശൈലിയും കെട്ടിപ്പടുത്തുകയാണ് വേണ്ടത്.
വ്യായാമവും കൃത്യസമയത്ത് ആരോഗ്യകരമായ ഭക്ഷണങ്ങള് കഴിക്കുകയും ചെയ്താല് വണ്ണം കുറയ്ക്കാന് കഴിയും. വണ്ണം കുറയ്ക്കാന് ആഗ്രഹിക്കുന്നവര് ശ്രദ്ധിക്കേണ്ട ചില കാര്യങ്ങള് എന്തൊക്കെയാണെന്ന് നോക്കാം.
ഒന്ന്...
ഒരു നേരത്തെ ഭക്ഷണം പോലും ഒഴിവാക്കരുത്. ഭക്ഷണം ഒഴിവാക്കുന്നത് ശരീരത്തിന്റെ മൊത്തം ആരോഗ്യത്തെ ബാധിക്കും. ഭക്ഷണം ഒഴിവാക്കുന്നതിലൂടെ വിശപ്പ് കൂടുകയും ഊർജ്ജം കുറയുകയുമാണ് ചെയ്യുന്നത്. ഇത് വ്യായാമം ചെയ്യുന്നതില് നിന്നു പോലും നിങ്ങളെ പിന്തിരിപ്പിക്കും. അതിനാല് മിതമായ അളവില് കുറഞ്ഞത് മൂന്ന് നേരം എങ്കിലും ഭക്ഷണം കഴിക്കണം.
രണ്ട്...
വണ്ണം കുറയ്ക്കാന് ആഗ്രഹിക്കുന്നവര് കഴിക്കുന്ന ഭക്ഷണത്തിന്റെ കലോറി അറിഞ്ഞിരിക്കണം. ഒരു ദിവസം നിങ്ങള്ക്ക് വേണ്ട കലോറി എത്രയാണെന്നും ഏതൊക്കെ ഭക്ഷണങ്ങളില് നിന്നും അവ ലഭിക്കുമെന്നും അറിഞ്ഞിരിക്കണം. കലോറി കുറഞ്ഞതും അന്നജം കുറച്ചുള്ളതുമായ വിഭവങ്ങള് ഡയറ്റില് ഉള്പ്പെടുത്തുകയാണ് ചെയ്യേണ്ടത്.
മൂന്ന്...
വണ്ണം കുറയ്ക്കാന് ആഗ്രഹിക്കുന്നുണ്ടെങ്കില്, ഉറപ്പായും ഫൈബര് അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്തണം. നാരുകള് അടങ്ങിയവ കഴിക്കുമ്പോള് വയര് പെട്ടെന്ന് നിറഞ്ഞതായി തോന്നിക്കുകയും ഭക്ഷണം കഴിക്കുന്നതിന്റെ അളവ് കൂടാതിരിക്കുകയും ചെയ്യും. ഇത് വണ്ണം കുറയ്ക്കാന് സഹായിക്കും.
നാല്...
വറുത്തതും പൊരിച്ചതുമായ ഭക്ഷണം കഴിക്കുന്നത് ഒഴിവാക്കുക. വിശക്കുമ്പോള് ഇത്തരം ഭക്ഷണങ്ങള് കഴിക്കുന്നത് വണ്ണം വീണ്ടും കൂട്ടുകയാണ് ചെയ്യുന്നത്. അതിനാല് ജങ്ക് ഫുഡ്, പാക്കറ്റ് ഫുഡുകൾ എന്നിവ ഡയറ്റില് നിന്നും ഒഴിവാക്കുക. പകരം പച്ചക്കറികളും പഴങ്ങളും ഡയറ്റില് ധാരാളമായി ഉള്പ്പെടുത്താം.
അഞ്ച്...
ദിവസവും ധാരാളം വെള്ളം കുടിക്കണം. അത് വണ്ണം കുറയ്ക്കാന് മാത്രമല്ല, ശരീരത്തിന്റെ മൊത്തം ആരോഗ്യത്തിനും നല്ലതാണ്.
ആറ്...
ഒരു വ്യായാമവുമില്ലാതെ വണ്ണം കുറയ്ക്കാന് സാധിക്കില്ല എന്ന് അറിയാമല്ലോ. ഡയറ്റ് മാത്രം പോരാ, വ്യായാമവും നിര്ബന്ധമാണ്. ഡയറ്റിനോടൊപ്പം ദിവസവും ഒരു മണിക്കൂര് എങ്കിലും വ്യായാമം ചെയ്യണം.
ഏഴ്...
പഞ്ചസാരയുടെ ഉപയോഗം ശരീരത്തിന് ഏറെ ഹാനികരമാണെന്ന് മാത്രമല്ല, അടിവയറ്റിൽ കൊഴുപ്പ് അടിയാൻ ഇടയാക്കുകയും ചെയ്യും. അതിനാല് ഇവയുടെ ഉപയോഗവും ഒഴിവാക്കുക.
എട്ട്...
ഉറക്കക്കുറവും ശരീരഭാരം വര്ധിപ്പിക്കാന് സാധ്യതയുണ്ടെന്നാണ് പഠനങ്ങള് പറയുന്നത്. ദിവസവും അഞ്ച് മണിക്കൂറിൽ താഴെ ഉറങ്ങുന്നത് അലസത, അമിതമായ വിശപ്പ് എന്നിവയ്ക്ക് കാരണമാകാം. അതിനാല് കുറഞ്ഞത് ഏഴ്- എട്ട് മണിക്കൂര് ഉറങ്ങാന് ശ്രമിക്കണം.
Also Read: വയറിലെ കൊഴുപ്പ് കുറയ്ക്കാൻ സഹായിക്കുന്ന അഞ്ച് പ്രധാനപ്പെട്ട പച്ചക്കറികൾ
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
