ചർമ്മം തിളങ്ങാൻ ഇതാ ചില ജ്യൂസുകൾ..
കുറഞ്ഞ സമയം കൊണ്ട് ശരീരത്തിന് ഉയർന്ന പോഷണം ലഭ്യമാക്കാനും അതുവഴി ശരീരത്തിന്‍റെ കുറവുകൾ പരിഹരിക്കാനുമുള്ള മാർഗം കൂടിയാണ് പഴച്ചാറുകൾ.
ശുദ്ധമായ പഴച്ചാറുകൾ കുടിക്കുന്നത് ശരീരത്തിന് ഒട്ടേറെ ഗുണങ്ങൾ നൽകുന്നു. കുറഞ്ഞ സമയം കൊണ്ട് ശരീരത്തിന് ഉയർന്ന പോഷണം ലഭ്യമാക്കാനും അതുവഴി ശരീരത്തിന്‍റെ കുറവുകൾ പരിഹരിക്കാനുമുള്ള മാർഗം കൂടിയാണ് പഴച്ചാറുകൾ. ചില പഴങ്ങൾക്ക് അവയുടെ ജ്യൂസ് രൂപത്തേക്കാൾ പോഷക ഗുണമുണ്ട്.
ഫ്രഷ് ജ്യൂസ് ശരീരഭാരം കുറക്കാനും ദഹനത്തെ സഹായിക്കാനും വയർ ശുദ്ധിക്കും വൃക്കയുടെ സുരക്ഷക്കും രോഗപ്രതിരോധ ശേഷി വർധിപ്പിക്കാനും ക്ഷീണം അകറ്റാനും ത്വക്കിൽ ജലാംശം നിലനിർത്താനും സഹായിക്കും. ആരോഗ്യ സംരക്ഷണത്തിനും ജലാംശം നിലനിർത്താനും ചർമത്തിന്‍റെ തിളക്കം കൂട്ടാനും സഹായിക്കുന്ന ഏതാനും ജ്യൂസുകൾ നോക്കാം.
തക്കാളി ജ്യൂസ്...
ലൈസോഫീൻ അടങ്ങിയ തക്കാളി ജ്യൂസിൽ ആൻറി ഒാക്സിഡന്‍റ് ഘടകങ്ങളാൽ സമ്പന്നമാണ്. ചർമ്മത്തെ സൂര്യാഘാതത്തിൽ നിന്ന് സംരക്ഷിക്കുന്ന സ്വാഭാവിക ആവരണമായി പ്രവർത്തിക്കാൻ ഇത് സഹായിക്കുന്നു. എല്ലാ ദിവസവും ഒരു ഗ്ലാസ് തക്കാളി ജ്യൂസ് കഴിക്കുന്നത് നിങ്ങളുടെ ചർമ്മത്തെ മികച്ചതാക്കും. വിറ്റാമിൻ സി, പൊട്ടാസ്യം എന്നിവ ചർമ്മത്തിന് മാത്രമല്ല, ശരീരത്തിന് ഒന്നടങ്കം ഗുണകരമാണ്.
കാരറ്റ് ജ്യുസ്..
വിറ്റാമിൻ എ യാൽ സമ്പന്നമാണ് കാരറ്റ് ജ്യുസ്. ശൈത്യകാലത്ത് ഇത് കുടിക്കുന്നത് ആന്‍റി ഓക്സിഡന്‍റ് ഘടകങ്ങൾ കുടുതലായി ലഭിക്കാൻ സഹായിക്കും. ത്വക്കിന് സ്വാഭാവിക തിളക്കം നൽകാൻ ഇത് സഹായിക്കും. മുഖക്കുരു തടയാനും ചർമം വരളുന്നതിനെ പ്രതിരോധിക്കാനും സഹായിക്കും.
ബീറ്റ്റൂട് ജ്യൂസ്..
ബീറ്റ്റൂട് ജ്യൂസ് ചർമ്മത്തിന് തിളക്കം നൽകും. വിറ്റാമിൻ എ, സി, കെ, ഇരുമ്പ്, പൊട്ടാസ്യം എന്നിവയാൽ സമ്പന്നമാണ് ബീറ്റ്റൂട്. ചർമ്മത്തിന്‍റെ സ്വഭാവികത നിലനിർത്താൻ ഇവ സഹായിക്കും.
ആപ്പിൾ ജ്യൂസ്..
ആപ്പിൾ ജ്യൂസ് നിങ്ങളെ ആശുപത്രികളിൽ നിന്ന് അകറ്റി നിർത്തുന്നതിനൊപ്പം ചർമ്മം വരണ്ടുണങ്ങുന്നതിനെ തടയുകയും ചെയ്യും. പ്രായം തോന്നിപ്പിക്കുന്നതിനെ തടയുന്ന ആന്‍റി ഓക്സിഡന്‍റ് ഘടകങ്ങളാൽ സമ്പന്നമാണ് ആപ്പിൾ ജ്യൂസ്.
