പണ്ട് ആളുകൾ ലിപ് ഫില്ലറുകൾക്കും സർജറികൾക്കും പിന്നാലെ പോയിരുന്നെങ്കിൽ, ഇന്ന് ജെൻസികൾക്ക് ക്രെയ്സ് വേദനയില്ലാത്ത 'ലിപ് പ്ലംബറുകളോടാണ്'. ചുണ്ടുകൾക്ക് വോളിയം നൽകുന്ന ഇത് ഇപ്പോൾ ബ്യൂട്ടി ലോകത്തെ ഏറ്റവും വലിയ 'ഗെയിം ചേഞ്ചർ' ആയി മാറിക്കഴിഞ്ഞു
ഇന്നത്തെ കാലത്ത് സോഷ്യൽ മീഡിയ തുറന്നാൽ ഏറ്റവും കൂടുതൽ കാണുന്ന ഒന്നാണ് വിടർന്നതും ആകർഷകവുമായ ചുണ്ടുകൾ . ഇൻസ്റ്റാഗ്രാം റീൽസിലായാലും ടിക്ടോക്കിലായാലും സെലിബ്രിറ്റികളും ഇൻഫ്ലുവൻസർമാരും പരീക്ഷിക്കുന്ന ഈ പുതിയ മേക്കപ്പ് ട്രെൻഡിന്റെ പേരാണ് 'ലിപ് പ്ലംബർ'. മുമ്പ് ഇതിനായി പലരും സർജറികളും ഫില്ലറുകളും ചെയ്തിരുന്നുവെങ്കിൽ, ഇന്ന് ജെൻസികൾക്ക് പ്രിയം വേദനയില്ലാത്ത ഈ ലിപ് പ്ലംബർ ലിപ്സ്റ്റിക്സുകളാണ്.
എന്താണ് ഈ ലിപ് പ്ലംബർ?
പേര് സൂചിപ്പിക്കുന്നത് പോലെ തന്നെ ചുണ്ടുകൾക്ക് കൂടുതൽ വലിപ്പവും വ്യക്തതയും നൽകാൻ സഹായിക്കുന്ന കോസ്മെറ്റിക് ഉൽപ്പന്നമാണിത്. സാധാരണ ലിപ് ഗ്ലോസ്സ് പോലെ തോന്നിക്കുമെങ്കിലും ഇതിൽ അടങ്ങിയിരിക്കുന്ന ചേരുവകൾ ചുണ്ടുകളിലെ രക്തയോട്ടം വർദ്ധിപ്പിക്കുകയും ചുണ്ടുകൾ സ്വാഭാവികമായി വികസിക്കാൻ സഹായിക്കുകയും ചെയ്യുന്നു.
ലിപ് പ്ലംബറുകൾ പ്രധാനമായും മൂന്ന് തരത്തിലാണ് പ്രവർത്തിക്കുന്നത്:
- ചെറിയ പുകച്ചിൽ: പല പ്ലംബറുകളിലും കറുവപ്പട്ട, പെപ്പർമിന്റ് , അല്ലെങ്കിൽ ഇഞ്ചി തുടങ്ങിയ പ്രകൃതിദത്ത ചേരുവകൾ അടങ്ങിയിരിക്കും. ഇത് ചുണ്ടിൽ തേക്കുമ്പോൾ ചെറിയൊരു പുകച്ചിൽ അനുഭവപ്പെടുകയും താൽക്കാലികമായി ചുണ്ടുകൾ വീർക്കുകയും ചെയ്യുന്നു.
- ഹൈഡ്രേഷൻ: ചില പുതിയ ബ്രാൻഡുകൾ ഹൈലൂറോണിക് ആസിഡ് ആണ് ഉപയോഗിക്കുന്നത്. ഇത് ചുണ്ടുകളിലെ ഈർപ്പം നിലനിർത്തി ചുണ്ടുകൾക്ക് നല്ലൊരു വിരിവ് നൽകുന്നു.
- വെളിച്ചത്തിന്റെ പ്രതിഫലനം: വളരെ ഹൈ-ഷൈൻ ഉള്ള ലിപ് ഗ്ലോസ്സുകൾ ഉപയോഗിക്കുന്നതിലൂടെ വെളിച്ചം തട്ടി ചുണ്ടുകൾക്ക് കൂടുതൽ വിസ്തൃതി തോന്നും.
ജെൻസി ഇതിനെ പ്രണയിക്കുന്നത് എന്തുകൊണ്ട്?
സർജറികളോ സൂചികളോ ഉപയോഗിക്കാതെ തന്നെ താൽക്കാലികമായി ഒരു 'സെലിബ്രിറ്റി ലുക്ക്' ലഭിക്കുന്നു എന്നതാണ് ഇതിന്റെ പ്രധാന ആകർഷണം. മാത്രമല്ല, ലളിതമായ "Clean Girl Aesthetic" ലുക്കിന് ഏറ്റവും അനുയോജ്യമായ ഒന്നാണ് ഹൈ-ഷൈൻ ലിപ് പ്ലംബറുകൾ.
Related Articles
ലിപ് പ്ലംബറുകൾ ഉപയോഗിക്കുമ്പോൾ കുറച്ച് കാര്യങ്ങൾ ശ്രദ്ധിക്കേണ്ടതുണ്ട്
- ചുണ്ടിൽ തേക്കുന്നതിന് മുമ്പ് കയ്യിൽ തേച്ച് അലർജി ഇല്ലെന്ന് ഉറപ്പുവരുത്തുക.
- തുടർച്ചയായി ഉപയോഗിക്കുന്നത് ചുണ്ടുകൾ വരണ്ടുപോകാൻ കാരണമാകും.
- ലിപ് പ്ലംബർ മാറ്റിയ ശേഷം നല്ലൊരു ലിപ് ബാം ഉപയോഗിച്ച് ചുണ്ടുകൾക്ക് ഈർപ്പം നൽകുക.
നിങ്ങളുടെ ചുണ്ടുകൾക്ക് പെട്ടെന്ന് ഒരു ലുക്ക് ചേഞ്ച് വേണമെന്നുണ്ടെങ്കിൽ ലിപ് പ്ലംബർ ഒരു മികച്ച ചോയിസ് തന്നെയാണ്. എങ്കിലും ലിപ് ഫില്ലറുകൾ പോലുള്ള സ്ഥിരമായ മാറ്റങ്ങളിലേക്ക് പോകുന്നതിന് മുമ്പ് ഇത്തരം മേക്കപ്പ് വിദ്യകൾ പരീക്ഷിക്കുന്നതാണ് എപ്പോഴും സുരക്ഷിതം.
