കുട്ടികളിലെ മൊബെെൽ ഫോൺ ഉപയോഗം; രക്ഷിതാക്കൾ ശ്രദ്ധിക്കേണ്ടത്...
കുട്ടികളിലെ മൊബൈൽ ഫോണ് ഉപയോഗം മയക്കുമരുന്നിനേക്കാൾ മാരകമാകുകയാണെന്നാണ് വിദഗ്ധർ അഭിപ്രായപ്പെടുന്നത്. മൊബെെൽ ഫോൺ മാത്രമല്ല, ടാബ്‌ലെറ്റ്, ലാപ്ടോപ്, ടിവി ഇവയൊന്നും കുട്ടികൾക്ക് നൽകാതിരിക്കുക.
മൊബെെൽ ഫോൺ വേണമെന്ന് പറഞ്ഞ് കുട്ടികൾ കരഞ്ഞ് വാശിപിടിച്ചാൽ കരച്ചിൽ മാറാൻ രക്ഷിതാക്കൾ ഫോൺ കൊടുക്കുന്നത് സ്വാഭാവികമാണ്. അപ്പോഴത്തെ കരച്ചിൽ മാറുമായിരിക്കും. എന്നാൽ പിന്നീടുള്ള ദോഷവശങ്ങളെ പറ്റി രക്ഷിതാക്കൾ ചിന്തിക്കാറില്ല. ഒരു എൽകെജി കുട്ടിയ്ക്ക് പോലും മൊബെെൽ ഫോണിന്റെ ടെക്നിക്കുകളെ കുറിച്ചറിയാവുന്ന കാലമാണ് ഇന്ന്.
കുട്ടികളിലെ മൊബൈൽ ഫോണ് ഉപയോഗം മയക്കുമരുന്നിനേക്കാൾ മാരകമാകുകയാണെന്നാണ് വിദഗ്ധർ അഭിപ്രായപ്പെടുന്നത്. മൊബെെൽ ഫോൺ മാത്രമല്ല, ടാബ്‌ലെറ്റ്, ലാപ്ടോപ്, ടിവി ഇവയൊന്നും കുട്ടികൾക്ക് നൽകാതിരിക്കുക. മൊബെെൽ ഫോണിന്റെ ഉപയോഗത്തിൽ മാത്രമല്ല ഇന്റര്‍നെറ്റിന്റെ ഉപയോഗത്തിന്റെ കാര്യത്തിലും നിയന്ത്രണം ഏർപ്പെടുത്തേണ്ടത് വളരെ അത്യാവശ്യമാണ്.
പോസിറ്റീവായ കാര്യങ്ങള്‍ക്കല്ലാതെ കുട്ടികളെ ഡിജിറ്റല്‍ ലോകത്തു നിന്ന് അകറ്റി നിര്‍ത്തുന്നതാകും അവരുടെ സുരക്ഷയ്ക്ക് നല്ലത്. മിക്ക കുട്ടികളുടെയും ലോകം ഇന്ന് മൊബൈൽ ഫോണും ഇന്റർനെറ്റും മാത്രമായി മാറിയിരിക്കുന്നു. മാതാപിതാക്കളെയാണ് ബോധവത്കരിക്കേണ്ടതെന്ന് പ്രമുഖ അമേരിക്കൻ സൈക്കോ തെറാപ്പിസ്റ്റ് ഡോ. നിക്കോളാസ് കർദരസ് പറയുന്നു.
മൊബെെൽ, കമ്പ്യൂട്ടർ, ടാബ്, വീഡിയോ ഗെയിം എന്നിവയുടെ ഉപയോഗം കുട്ടികളിൽ പലതരത്തിലുള്ള നേത്രരോഗങ്ങൾ പിടിപെടാനുള്ള സാധ്യത കൂടുതലാണെന്നും അദ്ദേഹം പറയുന്നു. അമിതമായ സ്ക്രീൻ ഉപയോഗം കംപ്യൂട്ടർ വിഷൻ സിൻഡ്രോം എന്ന നേത്രരോഗത്തിന് കാരണമാകുന്നതായി കണ്ടെത്തിയിട്ടുണ്ട്. മൊബൈൽ ഫോണ് ഉപയോഗം രണ്ടുതരത്തിലാണ് കുട്ടികളെ ബാധിക്കുന്നത്.
ഫോണിന്റെ അമിതമായ ഉപയോഗം കുട്ടികളുടെ കാഴ്ചശക്തി കുറയ്ക്കുന്നതിനുപുറമേ വീടിനകത്തുതന്നെ ചടഞ്ഞുകൂടുന്നതിനാൽ അത് അവരുടെ ആരോഗ്യത്തെയും സാരമായി ബാധിക്കുന്നു. സോഷ്യല്‍മീഡിയയ്ക്ക് അടിമയാകുന്നത് ആണ്‍കുട്ടികളേക്കാള്‍ പെണ്‍കുട്ടികളാണെന്നും അടുത്തിടെ നടത്തിയ പഠനങ്ങൾ പറയുന്നു.
കൗമാരക്കാരില്‍ ആണ്‍കുട്ടികളേക്കാള്‍, സോഷ്യല്‍ മീഡിയ കൂടുതല്‍ സ്വാധീനം ചെലുത്തുന്നത് പെണ്‍കുട്ടികളിലെന്ന് പഠനത്തിൽ പറയുന്നു. പുതിയകാലത്ത് കൗമാരക്കാര്‍ക്ക് എപ്പോഴും സുഹൃത്തുക്കളുടെ കൂടെത്തന്നെയായിരിക്കാന്‍ സോഷ്യല്‍ മീഡിയ വലിയ സഹായമാണ് ചെയ്യുന്നത്. കുട്ടികളുടെ പഠനം എളുപ്പമാക്കാന്‍ സോഷ്യല്‍ മീഡിയ സഹായിക്കുമെങ്കില്‍ കൂടി, സ്നാപ്ചാറ്റിംഗും ഇന്‍സ്റ്റഗ്രാമിംഗും കുട്ടികളെ ദോഷകരമായി ബാധിക്കുമെന്ന് വിദഗ്ധര്‍ നേരത്തെ തന്നെ മുന്നറിയിപ്പ് നല്‍കിയതാണ്.
എങ്ങനെയൊക്കെ നിയന്ത്രിക്കാം...?
1. ഇന്റര്‍നെറ്റ് ഉപയോഗിക്കാന്‍ നിശ്ചിത സമയം അനുവദിക്കാം.
2. അവര്‍ക്ക് ഉപയോഗിക്കാവുന്ന സൈറ്റുകള്‍ തിരഞ്ഞെടുത്ത് നല്‍കാം.
3. ആരോടൊക്കെ ചാറ്റ് ചെയ്യാം, ആരോടൊക്കെ വേണ്ട എന്നത് വ്യക്തമായി പറഞ്ഞു കൊടുക്കാം.
.
