മനോഹരമായ 'സിറ്റൗട്ട്' ; പക്ഷേ ഒളിച്ചിരിക്കുന്ന വിരുതനെ കണ്ടാല് പേടിച്ചോടും...
ഈ ചിത്രത്തിലൊരു വില്ലന് ഒളിച്ചിരിപ്പുണ്ട്. ഒറ്റനോട്ടത്തില് നമുക്ക് കാണാനാകാത്തത് കൊണ്ടുതന്നെ, ആരാണ് ആ വില്ലന് എന്ന് കാണിക്കുന്ന ഒരു വീഡിയോയും പിറകെ വന്നു
ഓസ്ട്രേലിയയിലെ ക്വീന്സ്ലാന്ഡിലുള്ള ഒരു വീടിന്റെ മുന്വശമാണ് ഈ ചിത്രത്തിലുള്ളത്. കാണുമ്പോള് പ്രശാന്തസുന്ദരമായ പകല്, അതിമനോഹരമായ ഇരിപ്പിടങ്ങള്. ആര്ക്കും സ്വല്പനേരം അവിടെ പോയിരുന്ന് ഇത്തിരി കാറ്റൊക്കെ കൊള്ളാന് തോന്നും.
എന്നാല് ഈ ചിത്രത്തിലൊരു വില്ലന് ഒളിച്ചിരിപ്പുണ്ട്. ഒറ്റനോട്ടത്തില് നമുക്ക് കാണാനാകാത്തത് കൊണ്ടുതന്നെ, ആരാണ് ആ വില്ലന് എന്ന് കാണിക്കുന്ന ഒരു വീഡിയോയും പിറകെ വന്നു.
ഏഴടി നീളമുള്ള ഒരു ഭയങ്കരന് പെരുമ്പാമ്പാണ് ചിത്രത്തില് ഒളിച്ചിരിക്കുന്ന ആ ഭീകരന്. സെറ്റിയുടെ വശത്തായി ചുരുണ്ടുകൂടി കിടക്കുന്ന നിലയില് വീട്ടുകാരാണ് പെരുമ്പാമ്പിനെ കണ്ടെത്തിയത്. സാമാന്യത്തിലധികം വലിപ്പമുള്ള ഇനമായതിനാല്ത്തന്നെ, പാമ്പ് പിടുത്തക്കാരെത്തിയാണ് വിരുതനെ ചാക്കിലാക്കിയത്.
കാടിന് വളരെയടുത്താണ് ഈ വീട്. അതിനാല് പെരുമ്പാമ്പ് വന്ന വഴിയെക്കുറിച്ചൊന്നും ആശങ്കയില്ല, എങ്കിലും ഇത്രയും വലിയ പാമ്പുകള് വീടിനകത്തേക്ക് കയറിവരുന്നത് അത്ര സാധാരണമല്ലെന്നാണ് വീട്ടുകാര് പറയുന്നത്. പാമ്പ് പിടുത്തക്കാരെത്തിയതിനെ തുടര്ന്ന് പിടികൂടിയ പാമ്പിനെ പിന്നീട് അടുത്തുള്ള കാട്ടിലേക്ക് തന്നെ തുറന്നുവിട്ടു. ഈ സംഘം തന്നെയാണ് സംഭവത്തിന്റെ ചിത്രവും വീഡിയോയും ഫെയ്സ്ബുക്ക് വഴി പങ്കുവച്ചത്.
വീഡിയോ കാണാം...