പല കാരണങ്ങള് കൊണ്ടും തലമുടി കൊഴിച്ചില് ഉണ്ടാകാം. ജീവിതശൈലിയില് ചില മാറ്റങ്ങള് വരുത്തിയാല് തന്നെ തലമുടിയെ സംരക്ഷിക്കാം.
തലമുടി കൊഴിച്ചിലും താരനും ആണ് ഇന്നത്തെ കാലത്ത് പലരെയും അലട്ടുന്ന പ്രധാന പ്രശ്നം. പല കാരണങ്ങള് കൊണ്ടും തലമുടി കൊഴിച്ചില് ഉണ്ടാകാം. ജീവിതശൈലിയില് ചില മാറ്റങ്ങള് വരുത്തിയാല് തന്നെ തലമുടിയെ സംരക്ഷിക്കാം.
തലമുടിയുടെ സംരക്ഷണത്തിനായി ശ്രദ്ധിക്കേണ്ട ചില എന്തൊക്കെയാണെന്ന് നോക്കാം...
ഒന്ന്...
തലമുടിയുടെ ആരോഗ്യത്തിന് നല്ല ഭക്ഷണങ്ങള് തെരഞ്ഞെടുത്ത് കഴിക്കണം. പ്രത്യേകിച്ച് വിറ്റാമിനുകള് അടങ്ങിയ ഭക്ഷണങ്ങള് തെരഞ്ഞെടുത്ത് ഡയറ്റില് ഉള്പ്പെടുത്താം. ഇതിനായി വിറ്റാമിന് എ, ബി, ഇ തുടങ്ങിയവ അടങ്ങിയ ഭക്ഷണങ്ങള് കഴിക്കാം.
രണ്ട്...
തലമുടിയിൽ എണ്ണ പുരട്ടുന്നത് മുടിയുടെ ആരോഗ്യത്തിന് ഏറെ നല്ലതാണ്. അതിനാല് ആഴ്ചയില് രണ്ട തവണ എങ്കിലും ഹോട്ട് ഓയില് മസാജ് ചെയ്യാം.
മൂന്ന്...
ഹീറ്റര്, ഹെയര് ട്രയര് എന്നിവയുടെ അമിത ഉപയോഗം തലമുടിയുടെ ആരോഗ്യത്തെ മോശമായി ബാധിക്കാം. അതിനാല് ഇക്കാര്യവും ശ്രദ്ധിക്കാം.
നാല്...
ഷാംപൂവിന്റെ അമിത ഉപയോഗവും തലമുടിക്ക് ദോഷം ചെയ്യും. ആഴ്ചയില് രണ്ടോ മൂന്നോ ദിവസം മാത്രം ഷാംപൂ ഉപയോഗിക്കാം. തലമുടിയുടെ സ്വഭാവം അനുസരിച്ചുള്ള ഷാംപൂ തെരഞ്ഞെടുക്കുകയും വേണം.
അഞ്ച്...
വീട്ടില് തന്നെ പരീക്ഷിക്കാവുന്ന ഹെയര് പാക്കുകള് തലമുടി കൊഴിച്ചിൽ തടയുകയും മുടി നന്നായി വളരുകയും ചെയ്യാം. ഇതിനായി ഒരു കപ്പ് കഞ്ഞി വെള്ളത്തിന് 20 ഗ്രാം എന്ന അളവിൽ ആവശ്യാനുസരണം ഉലുവ എടുക്കുക. രാത്രി മുഴുവൻ കഞ്ഞിവെള്ളത്തിൽ ഉലുവ ഇട്ട് വയ്ക്കുക. ശേഷം രാവിലെ ഉലുവ അരിച്ചുമാറ്റാം. ഈ കഞ്ഞിവെള്ളം നനഞ്ഞ മുടിയിൽ സ്പ്രേ ചെയ്യുകയോ ബ്രഷ് ഉപയോഗിച്ച് പുരട്ടുകയോ ചെയ്യാം. പത്ത് മിനിറ്റിന് ശേഷം കഴുകി കളയാം.
ആറ്...
ഒരു സവാളയെടുത്ത് തൊലി കളഞ്ഞശേഷം ചെറിയ കഷ്ണങ്ങളാക്കി മുറിക്കുക. ശേഷം ഇത് മിക്സിയിലിട്ട് നന്നായി അരച്ചെടുക്കുക. ഇനി അരിപ്പയിലിട്ട് ഇത് നന്നായി അരിച്ചെടുക്കുക. ശേഷം ഇത് പഞ്ഞിയില് മുക്കി തലയോട്ടിയില് നന്നായി തേച്ചുപിടിപ്പിക്കുക. 20 മിനിറ്റിനുശേഷം വെള്ളവും വീര്യം കുറഞ്ഞ ഷാംപുവും ഉപയോഗിച്ച് കഴുകി കളയാം.
Also Read: ഒരു മസാല ചായ തയ്യാറാക്കാന് ഇത്ര നാടകം കളിക്കണോ; ചായ പ്രേമികളെ ചൊടിപ്പിച്ച വീഡിയോ
