അകാലനര അകറ്റാന് പ്രതിവിധി തേടി വിപണിയിൽ ലഭ്യമായ പല ഉത്പന്നങ്ങളും ഉപയോഗിച്ച് പരാജയപ്പെട്ടവരാണ് പലരും. പ്രകൃതിദത്തമായ ചില വഴികളിലൂടെ അകാലനരയെ അകറ്റാന് കഴിയും.
തലമുടി നരക്കുന്നത് (greying of hair) വാർധക്യത്തിന്റെ ലക്ഷണമാണെങ്കിലും ഇന്ന് വളരെ ചെറുപ്രായത്തിൽ തന്നെ പലരുടെയും തലമുടി നരയ്ക്കാറുണ്ട്. ഇത്തരത്തിലുള്ള അകാലനര (premature greying of hair) ചിലര്ക്ക് ഏറെ ബുദ്ധിമുട്ടുണ്ടാക്കുന്ന കാര്യമാണ്. പല കാരണങ്ങള് കൊണ്ടും അകാലനര ഉണ്ടാകാം.
ഇതിന് പ്രതിവിധി തേടി വിപണിയിൽ ലഭ്യമായ പല ഉത്പന്നങ്ങളും ഉപയോഗിച്ച് പരാജയപ്പെട്ടവരാണ് പലരും. പ്രകൃതിദത്തമായ ചില വഴികളിലൂടെ അകാലനരയെ അകറ്റാന് കഴിയും. അത്തരത്തില് ചിലത് നോക്കാം...
ഒന്ന്...
പതിവായി ഉലുവ തലമുടിയില് തേക്കുന്നത് അകാലനരയെ ഒരു പരിധിവരെ ചെറുക്കും. അതുപോലെ തന്നെ ചെറുനാരങ്ങയിലെ ബ്ലീച്ചിങ് ഘടകങ്ങള് തലമുടിയുടെ നിറം മാറാന് സഹായിക്കും. ഇതിനായി ആദ്യം ഉലുവ വെള്ളത്തിലിട്ട് തിളപ്പിച്ചശേഷം തണുപ്പിക്കുക. ഉലുവ മാറ്റിയശേഷം ആ വെള്ളത്തിലേയ്ക്ക് നാരങ്ങാനീര് ചേര്ക്കുക. ഇനി ഇതിലേയ്ക്ക് കറ്റാര്വാഴയുടെ ജെല്ല് കൂടി ചേര്ത്ത് മിശ്രിതമാക്കി തലയില് തേക്കാം. ആഴ്ചയില് മൂന്ന് തവണ വരെയൊക്കെ ചെയ്യുന്നത് അകാലനര അകറ്റാന് സഹായിക്കും.
രണ്ട്...
അകാലനര അകറ്റാന് സഹായിക്കുന്ന മറ്റൊന്നാണ് കാപ്പിപ്പൊടി. ഇതിനായി വെള്ളത്തില് കാപ്പിപ്പൊടി ചേര്ത്ത് പേസ്റ്റ് രൂപത്തിലാക്കുക. ഇനി ഇത് തലമുടിയില് തേച്ചുപിടിപ്പിച്ചശേഷം ഒന്നോ രണ്ടോ മണിക്കൂര് കാത്തിരിക്കുക. ഇതിനുശേഷം തണുത്തവെള്ളം ഉപയോഗിച്ച് കഴുകാം. പതിവായി ഇങ്ങനെ ചെയ്യുന്നതിലൂടെ അകാലനര അകറ്റാം.
മൂന്ന്...
ഒരു പിടി മൈലാഞ്ചിയില, ഒരു ടീസ്പൂണ് തേയില, ഒരു ടീസ്പൂണ് നെല്ലിക്ക ഉണക്കിപ്പൊടിച്ചത് എന്നിവ അൽപം വെള്ളത്തിൽ കലർത്തി ഈ വെള്ളം ഉപയോഗിച്ച് തലകഴുകുക. ആഴ്ചയിൽ മൂന്ന് തവണ വരെ ഇങ്ങനെ ചെയ്യുന്നത് മുടിക്ക് കറുപ്പ് നിറം വരാന് സഹായിക്കും.
നാല്...
ബദാം ഓയിലും ആവണക്കെണ്ണയും തുല്യ അളവിലെടുത്ത് ആ മിശ്രിതം തലയിൽ തേയ്ക്കുന്നത് നല്ലതാണ്. അകാല നര മാറാന് തലമുടി നല്ല കരുത്തോടെ വളരാനും സഹായിക്കും.
Also Read: മുഖത്ത് ചുളിവുകള് വീഴുന്നതിനും പ്രായം തോന്നിക്കുന്നതിനും കാരണമാകുന്നത്...
