കണ്തടങ്ങളിലെ കറുത്ത പാടുകള് മാറ്റാന് വീട്ടില് പരീക്ഷിക്കാവുന്ന ചില ടിപ്സുകള് നോക്കാം.
ഡാർക്ക് സർക്കിൾസ് അഥവാ കണ്ണിന് ചുറ്റുമുള്ള കറുത്ത പാടുകള് നിങ്ങളെ അലട്ടുന്നുണ്ടോ? കണ്തടങ്ങളിലെ കറുത്ത പാടുകള് മാറ്റാന് വീട്ടില് പരീക്ഷിക്കാവുന്ന ചില ടിപ്സുകള് നോക്കാം.
1. ടീ ബാഗ്
ഫ്രിഡ്ജില് സൂക്ഷിച്ചുവച്ച ടീ ബാഗ് കണ്തടത്തില് പത്ത് മിനിറ്റ് വയ്ക്കുക. പതിവായി ഇങ്ങനെ ചെയ്യുന്നത് കണ്ണിന് ചുറ്റുമുള്ള കറുപ്പ് മാറാന് സഹായിക്കും.
2. വെള്ളരിക്ക
വെള്ളരിക്ക വട്ടത്തിന് അരിഞ്ഞോ അല്ലെങ്കില് അരച്ചോ പത്ത് മിനിറ്റ് കണ്തടങ്ങളില് വയ്ക്കുക. കണ്ണിന് ചുറ്റുമുള്ള കറുത്ത പാട് മാറ്റാന് ഇത് സഹായിക്കും.
3. ഉരുളക്കിഴങ്ങ്
ഉരുളക്കിഴങ്ങ് വട്ടത്തിന് അരിഞ്ഞോ അല്ലെങ്കില് അരച്ചോ പത്ത് മിനിറ്റ് കണ്തടങ്ങളില് വയ്ക്കുന്നത് ഡാർക്ക് സർക്കിൾസ് മാറ്റാന് ഗുണം ചെയ്യും.
4. കറ്റാര്വാഴ ജെല്ല്
കണ്തടത്തിലെ കറുപ്പ് മാറ്റാന് കണ്ണിന് ചുറ്റും കറ്റാര്വാഴ ജെല്ല് പുരട്ടുന്നതും നല്ലതാണ്.
5. കോഫി
രണ്ട് ടീസ്പൂണ് കാപ്പിപ്പൊടിയിലേയ്ക്ക് ഒരു ടീസ്പൂണ് തേന് ചേര്ത്ത് മിശ്രിതമാക്കാം. ശേഷം ഈ മിശ്രിതം കണ്ണിന് ചുറ്റും പുരട്ടാം. 10 മിനിറ്റിന് ശേഷം കഴുകി കളയാം.
ശ്രദ്ധിക്കുക: അലർജി സംബന്ധമായ പ്രശ്നങ്ങളില്ലെന്ന് ഉറപ്പാക്കാൻ പാക്കുകളും സ്ക്രബുകളും ഉപയോഗിക്കുന്നതിന് മുമ്പ് പാച്ച് ടെസ്റ്റ് ചെയ്യുക. അതുപോലെ തന്നെ ഒരു ഡോക്ടറെ 'കൺസൾട്ട്' ചെയ്തതിന് ശേഷം മാത്രം മുഖത്ത് പരീക്ഷണങ്ങള് നടത്തുന്നതാണ് ഉത്തമം.
Also read: മുഖകാന്തി കൂട്ടാൻ തൈര്; ഉപയോഗിക്കേണ്ട വിധം ഇങ്ങനെ...
