പ്രായമാകുന്നതനുസരിച്ച് ചർമ്മത്തില് ചുളിവുകളും വരകളും വീഴാം. അതൊക്കെ സ്വാഭാവികമാണ്. എന്നാല് ചര്മ്മ സംരക്ഷണത്തില് കുറച്ചധികം ശ്രദ്ധിച്ചാല് ഒരു പരിധി വരെ ഈ പ്രശ്നങ്ങളെ തടയാം.
നമ്മുടെ ശരീരത്തിൽ പ്രായത്തിന്റെ ആദ്യസൂചനകൾ നൽകുന്ന അവയവങ്ങളിലൊന്ന് ചർമ്മമാണ്. പ്രായമാകുന്നതനുസരിച്ച് ചർമ്മത്തില് ചുളിവുകളും വരകളും വീഴാം. അതൊക്കെ സ്വാഭാവികമാണ്. എന്നാല് ചര്മ്മ സംരക്ഷണത്തില് കുറച്ചധികം ശ്രദ്ധിച്ചാല് ഒരു പരിധി വരെ ഈ പ്രശ്നങ്ങളെ തടയാം.
പ്രായത്തെ കുറയ്ക്കാന് പറ്റില്ലെങ്കിലും ചര്മ്മ സംരക്ഷണത്തില് കുറച്ചധികം ശ്രദ്ധിച്ചാല് ഒരു പരിധി വരെ ഈ പ്രശ്നത്തെ തടയാം. അത്തരത്തില് ചര്മ്മത്തെ സംരക്ഷിക്കാന് ചെയ്യേണ്ട കാര്യങ്ങള് എന്തൊക്കെയാണെന്ന് നോക്കാം...
ഒന്ന്...
ചര്മ്മത്തിന്റെ ആരോഗ്യത്തിനായി ആന്റി ഓക്സിഡന്റുകളും വിറ്റാമിനുകളും മറ്റും അടങ്ങിയ ഭക്ഷണങ്ങള് ഡയറ്റില് ഉള്പ്പെടുത്താം. അതിനാല് പഴങ്ങള്, ഇലക്കറികള്, നട്സ് തുടങ്ങിയവ ഡയറ്റില് ഉള്പ്പെടുത്താം.
രണ്ട്...
വെള്ളം ധാരാളം കുടിക്കുന്നത് ചര്മ്മത്തിന്റെ ആരോഗ്യത്തിന് നല്ലതാണ്. ദിവസവും കുറഞ്ഞത് എട്ട് ഗ്ലാസ് വെള്ളം എങ്കിലും കുടിക്കണം. ഇത് ശരീരത്തിലെ മാലിന്യങ്ങൾ നീക്കം ചെയ്യാനും ചർമ്മം ഹൈഡ്രേറ്റഡ് ആകാനും സഹായിക്കും. ഇതുവഴി ചര്മ്മത്തെ ആരോഗ്യമുള്ളതായി നിലനിര്ത്താന് സാധിക്കും. വെള്ളം കുടിക്കുന്നത് ശരീരത്തിന്റെ മൊത്തം ആരോഗ്യത്തിനും നല്ലതാണ്.
മൂന്ന്...
പഞ്ചസാരയുടെ അമിത ഉപയോഗം കുറയ്ക്കുന്നതും ചര്മ്മത്തിന്റെ ആരോഗ്യത്തിന് നല്ലതാണ്.
നാല്...
എണ്ണയില് വറുത്തതും പൊരിച്ചതുമായ ഭക്ഷണങ്ങള് പരമാവധി ഡയറ്റില് നിന്നും ഒഴിവാക്കുന്നതും ചര്മ്മത്തിന്റെ ആരോഗ്യത്തിന് ഗുണം ചെയ്യും.
അഞ്ച്...
സൂര്യപ്രകാശത്തില് നിന്നും ചര്മ്മത്തെ സംരക്ഷിക്കുന്നതും പ്രധാനമാണ്. അതിനാല് പുറത്തു പോകുമ്പോള് സൺസ്ക്രീൻ ലോഷൻ ഉപയോഗിക്കാം.
ആറ്...
മുഖത്തുനിന്നും മേക്കപ്പ് നീക്കം ചെയ്യാതെ ഉറങ്ങരുത്. ചര്മ്മം വരണ്ടതാക്കുന്നതു മുതൽ ചർമ്മസുഷിരങ്ങളിൽ കെമിക്കലുകൾ അടിഞ്ഞുകൂടി മുഖക്കുരുവും മറ്റും ഉണ്ടാകാന് വരെ അത് കാരണമാകും.
ഏഴ്...
രാവിലെ എഴുന്നേല്ക്കുമ്പോള് തന്നെ തണുത്ത വെള്ളത്തിൽ മുഖം കഴുകുന്നതും ചര്മ്മത്തിന്റെ ആരോഗ്യത്തിന് നല്ലതാണ്. രാത്രിയിൽ ചർമ്മത്തിൽ അടിഞ്ഞുകൂടിയ എണ്ണമയം നീക്കം ചെയ്യാൻ ഇത് സഹായിക്കും.
എട്ട്...
വ്യായാമം ചെയ്യുന്നത് ശരീരത്തിന്റെ ആരോഗ്യത്തിന് മാത്രമല്ല, ചര്മ്മത്തിന്റെ ആരോഗ്യത്തിനും നല്ലതാണ്. അതിനാല് ദിവസവും വര്ക്കൗട്ട് ചെയ്യാന് ശ്രമിക്കുക.
ഒമ്പത്...
ഉറക്കവും ചർമ്മ സംരക്ഷണത്തില് പ്രധാനമാണ്. തുടർച്ചയായ ഉറക്കക്കുറവ് ശരീരത്തിൽ ഇരുണ്ട അടയാളങ്ങൾക്കും പ്രായക്കൂടുതൽ തോന്നാനും വഴിവയ്ക്കും. അതിനാല് ദിവസവും 7 മുതല് 8 മണിക്കൂർ നിർബന്ധമായും ഉറങ്ങാന് ശ്രദ്ധിക്കുക.
Also Read: അസിഡിറ്റിയെ തടയാന് ഡയറ്റില് നിന്നും ഒഴിവാക്കാം ഈ ഭക്ഷണങ്ങള്...
