Asianet News MalayalamAsianet News Malayalam

'കുട്ടികളുമായി ലൈംഗിക ബന്ധത്തിനായി യാത്ര ചെയ്തു'; പശ്ചാത്തപിച്ച് എഴുത്തുകാരന്‍

കുട്ടികളുമായി ലൈംഗിക ബന്ധത്തിലേര്‍പ്പെടാനായി ഏഷ്യ സന്ദര്‍ശിച്ചിരുന്നു എന്നും അതില്‍ ഇപ്പോള്‍ പശ്ചാത്തപിക്കുന്നു എന്നും  
ഫ്രഞ്ച് എഴുത്തുകാരന്‍ ഗബ്രിയല്‍ മാറ്റ്സ്നെഫിന്‍റെ വെളിപ്പെടുത്തല്‍. 

writer regrets his paedophile sex tourism in Asia
Author
Thiruvananthapuram, First Published Jan 29, 2020, 9:25 PM IST
  • Facebook
  • Twitter
  • Whatsapp

കുട്ടികളുമായി ലൈംഗിക ബന്ധത്തിലേര്‍പ്പെടാനായി ഏഷ്യ സന്ദര്‍ശിച്ചിരുന്നു എന്നും അതില്‍ ഇപ്പോള്‍ പശ്ചാത്തപിക്കുന്നു എന്നും ഫ്രഞ്ച് എഴുത്തുകാരന്‍ ഗബ്രിയല്‍ മാറ്റ്സ്നെഫിന്‍റെ വെളിപ്പെടുത്തല്‍. അന്ന് അതൊന്നും കുറ്റമാണെന്ന് ആരും പറഞ്ഞില്ല എന്നും ഗബ്രിയല്‍ ഒരു അഭിമുഖത്തില്‍ പറഞ്ഞു. 

തനിക്ക് പ്രായപൂര്‍ത്തിയാകാത്ത പെണ്‍കുട്ടികളോടും ആണ്‍കുട്ടികളോടുമുളള ലൈംഗിക താല്‍പര്യത്തെ കുറിച്ച് ഗബ്രിയല്‍ ഒരിക്കലും മറച്ചുവെച്ചിട്ടില്ല. സെക്സിന് വേണ്ടി താന്‍ യാത്രകള്‍ ചെയ്തിരുന്നു എന്നും ഗബ്രിയല്‍ തുറന്നുപറഞ്ഞു. ഒരിക്കലും ഒരു ടൂറിസ്റ്റ് അങ്ങനെ പെരുമാറാന്‍ പാടില്ലായിരുന്നു എന്നും 83കാരനായ ഗബ്രിയല്‍ ഫ്രഞ്ച് ചാനലിന് നല്‍കിയ അഭിമുഖത്തില്‍ പറഞ്ഞു. 

'അതില്‍ കുറ്റബോധമുണ്ട്. ഞാന്‍ ചെയ്ത തെറ്റുകളില്‍ ഇന്ന് ഞാന്‍ പശ്ചാത്തപിക്കുന്നു. എന്നാല്‍ അന്ന് ഇത് ക്രൈം ആണെന്ന് ആരും പറഞ്ഞില്ല'- ഗബ്രിയല്‍ കൂട്ടിച്ചേര്‍ത്തു. പതിനാലാം വയസ്സില്‍ തന്നെ ദുരുപയോഗം ചെയ്ത ഗബ്രിയലിനെ കുറിച്ച് ഒരു ഫ്രഞ്ച് എഡിറ്ററിന്‍റെ  തുറന്നുപറച്ചിലിനെ തുടര്‍ന്നാണ് ഇയാള്‍ക്കെതിരെ പൊലീസ് അന്വേഷണം നടത്തിയത്.

സ്കൂള്‍ വിട്ടുവരുന്ന തന്നെയും കാത്ത് പുറത്ത് അയാള്‍ നില്‍ക്കുമായിരുന്നു എന്നും ശേഷം ഹോട്ടലില്‍ കൊണ്ടുപോയി ചൂഷണം ചെയ്യുമായിരുന്നു എന്നും അവര്‍ തുറന്നു എഴുതി. അത് ഗബ്രയലിന്‍റെ അമ്പതുകളിലായിരുന്നു. ഇവരുടെ വെളിപ്പെടുത്തലിന് ശേഷം ഇയാള്‍ക്കെതിരെ ഫ്രഞ്ച് പൊലീസ് കേസെടുത്തിരുന്നു.

Follow Us:
Download App:
  • android
  • ios