വീട്ടിൽ ആളനക്കമില്ലാത്തതിനെ തുടർന്ന് സമീപവാസികൾ വാർഡ് മെമ്പർ സിനി ബിജുവിനെ വിവരമറിയിക്കുകയായിരുന്നു.
ചെങ്ങന്നൂർ: തിട്ടമേലിൽ വയോധികനെ വീടിനുള്ളിൽ തൂങ്ങിമരിച്ച നിലയിൽ കണ്ടെത്തി. കുന്നത്തുരേത്ത് കെ മോഹനനെയാണ് (73) മരിച്ച നിലയിൽ കണ്ടെത്തിയത്. ചൊവ്വാഴ്ച രാവിലെ 11 മണിയോടെയാണ് മൃതദേഹം കണ്ടത്. രണ്ടുദിവസമായി വീട്ടിൽ ആളനക്കമില്ലാത്തതിനെ തുടർന്ന് സമീപവാസികൾ വാർഡ് മെമ്പർ സിനി ബിജുവിനെ വിവരമറിയിക്കുകയായിരുന്നു. ഇവർ എത്തി പരിശോധിച്ചപ്പോഴാണ് ഇയാളെ തൂങ്ങിമരിച്ച നിലയിൽ കണ്ടെത്തിയത്. മൃതദേഹത്തിന് രണ്ടുദിവസത്തെ പഴക്കമുണ്ടെന്നാണ് പ്രാഥമിക നിഗമനം. വാർഡ് മെമ്പർ അറിയിച്ചതിനെ തുടർന്ന് ചെങ്ങന്നൂർ പൊലീസ് സ്ഥലത്തെത്തി. വർഷങ്ങളായി ഇയാൾ തനിച്ചായിരുന്നു താമസം. ചെങ്ങന്നൂർ ഗ്രേഡ് എസ്ഐ രാജേഷ് കുമാർ, ഡി പ്രവീൺലാൽ, അനസ് എന്നിവരുടെ നേതൃത്വത്തിലുള്ള പൊലീസ് സംഘം സ്ഥലത്തെത്തി മേൽനടപടികൾ സ്വീകരിച്ചു. പരേതയായ ഓമനയാണ് ഭാര്യ. ബംഗളൂരുവിൽ ജോലി ചെയ്യുന്ന അരുൺ, അജി എന്നിവരാണ് മക്കൾ.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
