വ്യാപക മയക്കുമരുന്ന് കച്ചവടം, പരാതി; വലവിരിച്ച് എക്സൈസ്, ഹെറോയിനുമായി അസം സ്വദേശി പിടിയിൽ
കുട്ടനാടിന്റെ വിവിധ ഭാഗങ്ങളിൽ വിതരണം ചെയ്യാനെത്തിച്ച ഹെറോയിനും കഞ്ചാവുമാണ് പിടിച്ചെടുത്തത്.
കുട്ടനാട്: ആലപ്പുഴയയില് ഹെറോയിനും കഞ്ചാവുമായി അസം സ്വദേശി എക്സൈസ് പിടിയിൽ. അസം മറിഗാവോൺ സ്വദേശി സാദിക് ഉൾ ഇസ്ലാമാണ് (22) പിടിയിലായത്. 108 ഗ്രാം ഹെറോയിനും കഞ്ചാവുമായി എടത്വ ബസ് സ്റ്റാൻഡിൽനിന്നാണ് പിടികൂടിയത്. കുട്ടനാടിന്റെ വിവിധ ഭാഗങ്ങളിൽ മയക്കുമരുന്ന് വിതരണം വ്യാപകമായി നടക്കുന്നതായുള്ള പരാതിയുടെ അടിസ്ഥാനത്തിൽ നടത്തിയ പരിശോധനയിലാണ് നടപടി.
എടത്വ പ്രദേശം കഴിഞ്ഞ രണ്ടാഴ്ചയായി ഷാഡോ എക്സൈസ് സംഘത്തിന്റെ രഹസ്യ നിരീക്ഷണത്തിലായിരുന്നു. കുട്ടനാടിന്റെ വിവിധ ഭാഗങ്ങളിൽ വിതരണം ചെയ്യാനെത്തിച്ച ഹെറോയിനും കഞ്ചാവുമാണ് പിടിച്ചെടുത്തത്. ഇയാളെ കോടതി റിമാൻഡ് ചെയ്തു.
മുംബൈ വിമാനത്താവളത്തിൽ ലഹരിമരുന്ന് വേട്ട; 70 കോടിയുടെ ഹെറോയിനുമായി എത്യോപ്യൻ സ്വദേശി പിടിയിൽ
മുംബൈ: മുംബൈ ഛത്രപതി ശിവാജി അന്താരാഷ്ട്ര വിമാനത്താവളത്തിൽ വൻ ലഹരി മരുന്ന് വേട്ട. 70 കോടി രൂപ വിലവരുന്ന ഹെറോയിനുമായി എത്യോപ്യൻ സ്വദേശി പിടിയിൽ. മുംബൈയിലെ ഹോട്ടലിൽ ലഹരി മരുന്ന് കൈപറ്റാൻ എത്തിയ നൈജീരിയക്കാരനും അറസ്റ്റിൽ. രഹസ്യ വിവരത്തിന്റെ അടിസ്ഥാനത്തില് ഡിആര്ഐ നടത്തിയ പരിശോധനയിലാണ് പ്രതികളെ പിടികൂടിയത്.
എത്യോപ്യയില് നിന്നുമെത്തിയ യുവാവിന്റെ ബാഗ് പരിശോധിച്ചപ്പോഴാണ് ഒളിപ്പിച്ച നിലയിൽ 9.97 കിലോഗ്രാം ഹെറോയിൻ കണ്ടെത്തിയത്. ഇയാളെ ചോദ്യം ചെയ്തപ്പോഴാണ് നൈജീരിയന് സ്വദേശിക്കായി എത്തിച്ചതാണ് മയക്കുമരുന്നെന്ന് മനസിലായത്. തുടര്ന്ന് മുംബൈയിലെ ഒരു ഹോട്ടലില് നിന്ന് നൈജീരിയന് സ്വദേശിയെയും ഡിആര്ഐ പിടികൂടുകയായിരുന്നു.