പത്തനംതിട്ടയിലെത്തിയ വിഡി സതീശന് കോൺഗ്രസ് സ്വീകരണം നൽകി. ചടങ്ങിൽ സിപിഎമ്മിനും എസ്എഫ്ഐക്കുമെതിരെ അദ്ദേഹം രൂക്ഷവിമർശനം ഉന്നയിച്ചു. എന്നാൽ പരിപാടികൾക്ക് ശേഷം മാധ്യമങ്ങളുടെ ചോദ്യങ്ങളോട് പ്രതികരിക്കാതെ അദ്ദേഹം മടങ്ങി.
തിരുവല്ല: പത്തനംതിട്ടയിലെത്തിയ മുഖ്യമന്ത്രി വിഡി സതീശന് സ്വീകരണം ഒരുക്കി ജില്ലയിലെ കോൺഗ്രസ്. വേദിയിൽ ഭരണ നേട്ടങ്ങൾ എണ്ണിപ്പറഞ്ഞ സിപിഎമ്മിനെതിരെ ആഞ്ഞടിച്ചും മുഖ്യൻ. എന്നാൽ മാധ്യമങ്ങളുടെ ചോദ്യങ്ങളോടു പ്രതികരിക്കാതെ വാഹനത്തിൽ ഓടിക്കയറി മടക്കം. ഉച്ചയ്ക്ക് രണ്ടരയോടെ ഡിസിസിയിൽ എത്തുമെന്ന് പറഞ്ഞ മുഖ്യമന്ത്രി അല്പം നേരത്തെ തന്നെ എത്തി. പ്രതിഷേധം കണക്കിലെടുത്ത് നേരത്തെ തീരുമാനിച്ചിരുന്ന വഴി മാറി അടൂർ വഴിയാണ് പത്തനംതിട്ടയിലെത്തിയത്.
ഓമല്ലൂരിൽ ഉൾപ്പെടെ പ്രതിഷേധമുണ്ടാകുമെന്ന് മനസ്സിലാക്കി പോലീസ് യുവമോർച്ച പ്രവർത്തകരെ ഉൾപ്പെടെ കരുതൽ തടങ്കലിലാക്കിയിരുന്നു. പത്തനംതിട്ട ഡിസിസിയിൽ സ്വീകരണത്തിന് നന്ദി പറഞ്ഞ ഭരണ നേട്ടങ്ങൾ എണ്ണിപ്പറഞ്ഞായിരുന്നു മുഖ്യമന്ത്രിയുടെ പ്രസംഗത്തിന് തുടക്കം. പലതും തെറ്റായ പ്രചരണമെന്ന പറഞ്ഞ് ട്രാക്ക് മാറ്റി സിപിഎമ്മിനെതിരെയായി പിന്നെ. പിന്നിൽ ഗൂഡാലോചനയെന്നും സിപിഎമ്മും എസ്എഫ്ഐയും ക്രിമിനലുകളെ ഇറക്കുകയാണെന്നും ഇത്തരക്കാർക്കെതിരെ വേണ്ടത് ചെയ്യുമെന്നും മുഖ്യൻ.
ഗ്യാനേഷ് കുമാറിനെ രാജി വെയ്പ്പിക്കാൻ സമരം ചെയ്തപ്പോൾ എസ്എഫ്ഐക്ക് എന്ത് പ്രശ്നമെന്ന് യുവ നേതാക്കൾ ചോദിച്ചതുപോലെ മുഖ്യമന്ത്രിയും ഈചോദ്യം ആവർത്തിച്ചു.കേരളത്തിൽ സിപിഎം നേരിടുന്ന വിഷയങ്ങളെ മറക്കാനാണ് നിലവിലെ പ്രതിഷേധങ്ങൾ എന്നാണ് വി ഡി സതീശന്റെ പക്ഷം. BJPയ്ക്കെതിരെ സമരം ചെയ്യുമ്പോൾ സിപിഎമ്മിന് പൊള്ളുകയാണെന്നും പറഞ്ഞു. മന്ത്രി ഓജെ ജീഷന്റെ വാഹനം തടഞ്ഞതിലും ശക്തമായ പ്രതിഷേധം മുഖ്യമന്ത്രി രേഖപ്പെടുത്തി.
Related Articles
ഡിസിസിയിൽ നിന്നും നേരെ പത്തനംതിട്ട കാതലിക്കറ്റ് കോളേജിലെ പ്ലാറ്റിനം ജൂബിലി ആഘോഷങ്ങളുടെ ഉദ്ഘാടനത്തിന് എത്തിയ മുഖ്യമന്ത്രി മടങ്ങുമ്പോൾ സർക്കാരിനെതിരായി യുഡിഎഫ് കൺവീനറുടെ പ്രസ്താവനയിൽ മാധ്യമപ്രവർത്തകരുടെ ചോദ്യങ്ങൾ. ഒരു വാക്കുപോലും പറയാതെ പൊരിച്ചൊരിയുന്ന മഴയിൽ കാറിൽ കയറി മുഖ്യമന്ത്രി തിരുവല്ലയിലേക്ക്.
