Asianet News MalayalamAsianet News Malayalam

തിങ്ങിനിറഞ്ഞ കെഎസ്ആര്‍ടിസി ബസ്; വാതില്‍ തുറന്ന് പോയി വിദ്യാര്‍ത്ഥി വീണു, കൈയ്ക്ക് പരിക്കേറ്റു

തിരുവമ്പാടിയില്‍ നിന്ന് കക്കാടംപൊയിലിലേക്ക് സര്‍വീസ് നടത്തുന്ന കെഎസ്ആര്‍ടിസി ബസ് കൂടരഞ്ഞിയില്‍ നിന്ന് ആളുകളെ കയറ്റി അല്‍പ ദൂരം മുന്‍പോട്ടു പോയ ഉടനെ പുറകിലെ വാതില്‍ തുറന്ന് പോവുകയും വിദ്യാര്‍ത്ഥി തെറിച്ചുവീഴുകയുമായിരുന്നു.

door of the KSRTC bus opened and the student fell down
Author
First Published Jun 11, 2024, 9:08 PM IST

കോഴിക്കോട്: യാത്രക്കാര്‍ തിങ്ങി നിറഞ്ഞ കെഎസ്ആര്‍ടിസി ബസ്സില്‍ നിന്ന് പുറത്തേക്ക് വീണ വിദ്യാര്‍ത്ഥിക്ക് പരിക്കേറ്റു. കോഴിക്കോട് കൂടരഞ്ഞിയില്‍ ഇന്ന് വൈകീട്ട് 4.15ഓടെയാണ് അപകടമുണ്ടായത്. കൂടരഞ്ഞി സെന്‍റ് സെബാസ്റ്റ്യന്‍ സ്‌കൂളിലെ പത്താം ക്ലാസ് വിദ്യാര്‍ത്ഥിക്കാണ് പരിക്കേറ്റത്.

തിരുവമ്പാടിയില്‍ നിന്ന് കക്കാടംപൊയിലിലേക്ക് സര്‍വീസ് നടത്തുന്ന കെഎസ്ആര്‍ടിസി ബസ് കൂടരഞ്ഞിയില്‍ നിന്ന് ആളുകളെ കയറ്റി അല്‍പ ദൂരം മുന്‍പോട്ടു പോയ ഉടനെ പുറകിലെ വാതില്‍ തുറന്ന് പോവുകയും വിദ്യാര്‍ത്ഥി തെറിച്ചുവീഴുകയുമായിരുന്നു. ഈ സമയത്ത് ബസില്‍ നിറയെ യാത്രക്കാരുണ്ടായിരുന്നതായി ദൃക്‌സാക്ഷികള്‍ പറഞ്ഞു. ഫൂട്ട്‌ബോര്‍ഡില്‍ നില്‍ക്കുകയായിരുന്ന വിദ്യാര്‍ത്ഥിയാണ് അപകടത്തില്‍പ്പെട്ടത്. കൈക്ക് നിസാര പരിക്കേറ്റ കുട്ടിയെ സമീപത്തെ ഹെല്‍ത്ത് സെന്ററില്‍ പ്രവേശിപ്പിച്ച് പ്രാഥമിക ചികിത്സ നല്‍കി.

ഏതാനും ബസുകള്‍ മാത്രം സര്‍വീസ് നടത്തുന്ന റൂട്ടില്‍ സ്‌കൂളുകള്‍ തുറന്നതോടെ യാത്ര ദുഷ്‌കരമായിരിക്കുകയാണെന്ന് നാട്ടുകാര്‍ പറയുന്നു. വിദ്യാര്‍ത്ഥികള്‍ ഏറെ ബുദ്ധിമുട്ടിയാണ് സ്‌കൂളില്‍ നിന്നും തിരികെ വീടുകളില്‍ എത്തുന്നത്. വൈകീട്ട് അഞ്ച് മണിക്ക് സര്‍വീസ് നടത്തിയിരുന്ന ബസ് ഇപ്പോള്‍ ഈ റൂട്ടില്‍ ഓടാത്തതും ദുരിതം ഇരട്ടിപ്പിച്ചിരിക്കുയാണ്. അപകടമുണ്ടായ ബസില്‍ കയറാവുന്നതില്‍ അധികം ആളുകള്‍ യാത്ര ചെയ്തതാണ് അപകടം വരുത്തിയതെന്നും നാട്ടുകാര്‍ ചൂണ്ടിക്കാട്ടുന്നു.

വൈദ്യുതി ബിൽ വരുമ്പോൾ കുറവ് കണ്ടാൽ അത്ഭുതപ്പെടേണ്ട..! കാരണം വ്യക്തമാക്കി കെഎസ്ഇബി

അടിവസ്ത്രത്തിലും ബാഗിലുമായി ഒളിപ്പിച്ചിരുന്നത് 32.79 കിലോ സ്വർണം, വില 19.15 കോടി; രണ്ട് വനിതകൾ അറസ്റ്റിൽ

ഒറ്റ രൂപ കൊടുക്കല്ലേ..! കേരളത്തിൽ ഏറ്റവും കൂടുതൽ റിപ്പോർട്ട് ചെയ്യുന്ന തട്ടിപ്പ്; പൊലീസിന്‍റെ മുന്നറിയിപ്പ്

ഏഷ്യാനെറ്റ് ന്യൂസ് വാർത്തകൾ തത്സമയം കാണാം

Latest Videos
Follow Us:
Download App:
  • android
  • ios