വീകമായി ജീവിക്കുന്നയാളായ അമ്മ എല്ലാവരോടും ക്ഷമിക്കും . ഞങ്ങളെയും ക്ഷമിക്കാൻ തന്നെയാണ് പഠിപ്പിച്ചത്. പക്ഷേ കേരളത്തിലെ ജനങ്ങൾ എല്ലാം കാണുന്നുണ്ട്
പത്തനാപുരം: കെ.ബി ഗണേഷ് കുമാറിനോട് ക്ഷമിച്ചെന്നാണ് ഉമ്മൻ ചാണ്ടിയുടെ ഭാര്യയുടെ പ്രതികരണമെന്ന് മകൾ മറിയ ഉമ്മൻ. അപ്പ ഒരുപാട് ആരോപണങ്ങൾ നേരിട്ടു. മാനസികമായി ബുദ്ധിമുട്ടിയിരുന്നു. ദൈവീകമായി ജീവിക്കുന്നയാളായ അമ്മ എല്ലാവരോടും ക്ഷമിക്കും . ഞങ്ങളെയും ക്ഷമിക്കാൻ തന്നെയാണ് പഠിപ്പിച്ചത്. പക്ഷേ കേരളത്തിലെ ജനങ്ങൾ എല്ലാം കാണുന്നുണ്ട്. പത്തനാപുരത്തെ ജനങ്ങൾ കാണുന്നുണ്ട്. പത്തനാപുരത്ത് യുഡിഎഫ് ജയിക്കും. പത്തനാപുരത്ത് ജ്യോതികുമാർ ചാമക്കാലയുടെ പ്രചരണത്തിന് എത്തിയതായിരുന്നു മറിയ ഉമ്മൻ.
എത്ര വലിയ വിഷമവും ഹൃദയത്തിൽ ഒതുക്കുന്നയാളായിരുന്നു അപ്പ. ചികിത്സയുടെ അവസാന ഒരു വർഷം മുഴുവൻ കൂടെ ഉണ്ടായിരുന്നയാളാണ് താൻ. അവസാനത്തെ കുറച്ച് മാസം അപ്പയ്ക്ക് സംസാരിക്കാൻ ബുദ്ധിമുട്ടുണ്ടായിരുന്നു. ഒരു ദിവസം രാവിലെ പത്രവാർത്തയിലെ രണ്ട് വരി വിരൽ വെച്ച് വരച്ചു കാണിച്ചു. സിബിഐ കുറ്റവിമുക്തനാക്കിയെന്ന റിപ്പോർട്ടായിരുന്നു അത്. ആ സന്തോഷത്തോടെയാണ് അപ്പ മരിച്ചത് എല്ലാം ജനങ്ങൾ മനസിലാക്കുമെന്നും മറിയ ഉമ്മൻ പ്രതികരിക്കുന്നത്.
