ജോലി ആവശ്യാര്ത്ഥം നന്മണ്ടയില് നിന്നും കോഴിക്കോട് ഭാഗത്തേക്ക് പോകുമ്പോഴാണ് ബിജോയി അപകടത്തിൽപ്പെട്ടത്.
കോഴിക്കോട്: ബൈക്കുകള് തമ്മില് കൂട്ടിയിടിച്ച് റോഡിലേക്ക് വീണ യുവാവിന്റെ ശരീരത്തിലൂടെ പിന്നാലെ വന്ന ബസ് കയറിയിറങ്ങി. നന്മണ്ട അമ്മോമ്മലത്ത് പരേതനായ വാസുവിന്റെയും വസന്ത അമ്മയുടെയും മകനും സി.പി.എം നന്മണ്ട നോര്ത്ത് ലോക്കല് കമ്മിറ്റി അംഗവുമായ എ. ബിജോയ്(മുത്തു-39) ആണ് ദാരുണമായി മരിച്ചത്.
ഇന്ന് രാവിലെ 8.45ഓടെ ബാലുശേരി-കോഴിക്കോട് റൂട്ടില് കാക്കൂരില് വച്ചാണ് അപകടമുണ്ടായത്. ജോലി ആവശ്യാര്ത്ഥം നന്മണ്ടയില് നിന്നും കോഴിക്കോട് ഭാഗത്തേക്ക് പോവുകയായിരുന്നു ബിജോയ്. ബിജോയ് സഞ്ചരിച്ച ബൈക്കില് എതിരെ വന്ന ബൈക്ക് ഇടിക്കുകയായിരുന്നു. ഇടിയുടെ ആഘാതത്തില് റോഡിലേക്ക് തെറിച്ചു വീണ ബിജോയിയുടെ ശരീരത്തിലൂടെ ഇതുവഴി വന്ന ബസ് കയറിയിറങ്ങുകയായിരുന്നുവെന്ന് പൊലീസ് പറഞ്ഞു. അപകടത്തില് ഗുരുതരമായി പരുക്കേറ്റ ബിജോയ് തല്ക്ഷണം മരിക്കുകയായിരുന്നു. കെ.എസ്.കെ.ടി.യു നന്മണ്ട വില്ലേജ് സെക്രട്ടറി കൂടിയായിരുന്നു ബിജോയ്. ഷിജി, സുബീഷ് എന്നിവര് സഹോദരങ്ങളാണ് മൃതദേഹം വൈകീട്ടോടെ വീട്ടുവളപ്പില് സംസ്കരിക്കും.
'ഏതുനിമിഷവും മുന്നിലേക്ക് ചാടിയേക്കാം, കൂടുതലും ചെറുറോഡുകളില്'; തെരുവുനായകളെ കുറിച്ച് എംവിഡി
