ഇടുക്കി ഉപ്പുതറയിൽ കെഎസ്ആർടിസി പ്രിയദർശിനി ബസും സ്വകാര്യ ബസും തമ്മിൽ സമയക്രമത്തെച്ചൊല്ലി തർക്കമുണ്ടായി. തങ്ങളുടെ സർവീസ് സമയം ലംഘിച്ചുവെന്ന് ആരോപിച്ച് 'കുട്ടിമാളു' എന്ന സ്വകാര്യ ബസിൻ്റെ ഉടമ കെഎസ്ആർടിസി ബസിനടിയിൽ കിടന്ന് പ്രതിഷേധിച്ചു.
ഇടുക്കി: കെഎസ്ആർടിസി പ്രിയദർശിനി ബസ് സർവീസിനെച്ചൊല്ലി ഇടുക്കി ഉപ്പുതറയിൽ വലിയ രീതിയിലുള്ള വാക്കുതർക്കവും നാടകീയമായ പ്രതിഷേധവും അരങ്ങേറി. തങ്ങളുടെ സമയക്രമം മറികടന്ന് കെഎസ്ആർടിസി സർവീസ് നടത്തിയതിൽ പ്രതിഷേധിച്ച് ഒരു സ്വകാര്യ ബസ് ഉടമ സർവീസ് തടസ്സപ്പെടുത്തുകയും കെഎസ്ആർടിസി ബസിന് അടിയിൽ കിടന്ന് പ്രതിഷേധിക്കുകയുമായിരുന്നു.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
ഉപ്പുതറയിൽ സർവീസ് നടത്തുന്ന 'കുട്ടിമാളു' എന്ന സ്വകാര്യ ബസ് ഓടേണ്ട കൃത്യം സമയത്ത് കെഎസ്ആർടിസി പ്രിയദർശിനി ബസ് സർവീസ് നടത്തിയതാണ് ഈ വലിയ വാക്കുതർക്കത്തിലേക്കും പ്രതിഷേധത്തിലേക്കും നയിച്ചത്. തങ്ങളുടെ സമയത്ത് കെഎസ്ആർടിസി സർവീസ് നടത്തിയതോടെ ഗതികെട്ട സാഹചര്യത്തിലാണ് സർവ നിയന്ത്രണവും നഷ്ടപ്പെട്ട് സ്വകാര്യ ബസുടമ ഈ രീതിയിലുള്ള കടുത്ത സമരമുറയിലേക്ക് നീങ്ങിയത്. തർക്കത്തെത്തുടർന്ന് പ്രദേശത്ത് വലിയ രീതിയിലുള്ള നാടകീയ രംഗങ്ങളാണ് ഉണ്ടായത്.
