ചെങ്ങോട്ടുമലയിൽ മധ്യവയസ്കൻ തൂങ്ങി മരിച്ച നിലയിൽ
ഇയാൾ നേരത്തെയും ആത്മഹത്യയ്ക്ക് ശ്രമിച്ചയാളാണെന്നും മരണത്തിൽ ദുരൂഹതയില്ലെന്നും പൊലീസ് പറയുന്നു.
കോഴിക്കോട്: ചെങ്ങോട്ടുമലയിൽ ഗ്രാനൈറ്റ് ഖനനത്തിനായി അനുമതി ലഭിച്ച ഭൂമിയിൽ മധ്യവയസ്കൻ തൂങ്ങി മരിച്ച നിലയിൽ. ടാപ്പിങ്ങ് തൊഴിലാളി രവിയെയാണ് ഇന്ന് ഉച്ചക്ക് മരത്തിൽ തൂങ്ങിയ നിലയിൽ കമ്പനി ജീവനക്കാർ കണ്ടെത്തിയത്. ഇയാൾ നേരത്തെയും ആത്മഹത്യയ്ക്ക് ശ്രമിച്ചയാളാണെന്നും മരണത്തിൽ ദുരൂഹതയില്ലെന്നും പൊലീസ് പറയുന്നു. ചെങ്ങോട്ട് മലയിൽ നിന്നും ആറ് കിലോമീറ്റർ ദൂരെയാണ് മരിച്ച രവിയുടെ വീട്.