പൂനവും സത്യപ്രകാശും തമ്മിൽ വീട്ടിൽ വഴക്ക് പതിവായിരുന്നു. സംഭവ ദിവസവും ഇരുവരും രൂക്ഷമായ തർക്കമുണ്ടായി. തുടർന്ന് പ്രതി ഭാര്യക്കും മകൾക്കും നേരെ കത്തി വീശുകയും ആക്രമിക്കുകയുമായിരുന്നു.
ദില്ലി: ഡൽഹിയിൽ കുടുംബവഴക്കിനെ തുടർന്ന് സ്വന്തം ഭാര്യയെയും പ്രായപൂർത്തിയാകാത്ത മകളെയും മാരകമായി കുത്തിപ്പരിക്കേൽപ്പിച്ച സംഭവത്തിൽ പ്രതിയെ പൊലീസ് അറസ്റ്റ് ചെയ്തു. ഡൽഹിയിലെ മാൻസരോവർ പാർക്ക് മേഖലയിലാണ് സംഭവം. പൂനം (38), ഇവരുടെ 15 വയസുള്ള മകൾ എന്നിവരാണ് ആക്രമണത്തിനിരയായത്. സംഭവത്തിൽ സ്ത്രീയുടെ ഭർത്താവായ സത്യ പ്രകാശിനെ പൊലീസ് അറസ്റ്റ് ചെയ്തു. ആക്രമണത്തിന് ഉപയോഗിച്ചുവെന്ന് കരുതുന്ന കത്തിയും പൊലീസ് കണ്ടെടുത്തു.
പൂനവും സത്യപ്രകാശും തമ്മിൽ വീട്ടിൽ വഴക്ക് പതിവായിരുന്നു. സംഭവ ദിവസവും ഇരുവരും രൂക്ഷമായ തർക്കമുണ്ടായി. തുടർന്ന് പ്രതി ഭാര്യക്കും മകൾക്കും നേരെ കത്തി വീശുകയും ആക്രമിക്കുകയുമായിരുന്നു. ആക്രമണത്തിൽ ഗുരുതരമായി പരിക്കേറ്റ ഭാര്യയെയും മകളെയും ആശുപത്രിയിൽ പ്രവേശിപ്പിച്ചിരിക്കുകയാണ്. വിവരം ലഭിച്ച ഉടൻ സ്ഥലത്തെത്തിയ പൊലീസ് പ്രതിയെ കസ്റ്റഡിയിലെടുത്തു. സംഭവത്തിൽ കേസ് രജിസ്റ്റർ ചെയ്ത് അന്വേഷണം ആരംഭിച്ചതായി പൊലീസ് അറിയിച്ചു.
