വിഴിഞ്ഞം ഫിഷ്‌ലാൻഡിൽ മത്സ്യത്തൊഴിലാളികൾ സൂക്ഷിച്ചിരുന്ന 30 ലിറ്റർ പെട്രോൾ മോഷ്ടിച്ച കേസിൽ യുവാവ് പിടിയിലായി. പള്ളിച്ചൽ സ്വദേശിയായ അഭിജിത്തിനെ സി.സി.ടി.വി ദൃശ്യങ്ങളുടെ സഹായത്തോടെയാണ് പോലീസ് അറസ്റ്റ് ചെയ്തത്. ഓട്ടോറിക്ഷയിലെത്തിയാണ് ഇയാൾ മോഷണം നടത്തിയത്.
തിരുവനന്തപുരം: വിഴിഞ്ഞത്ത് മത്സ്യത്തൊഴിലാളികൾ സൂക്ഷിച്ചിരുന്ന പെട്രോൾ മോഷ്ടിച്ച കേസിൽ യുവാവ് പിടിയിൽ. പള്ളിച്ചൽ സ്വദേശി അഭിജിത്ത് (24) ആണ് വിഴിഞ്ഞം പോലീസിന്റെ പിടിയിലായത്.
രണ്ടു ദിവസം മുൻപ് വിഴിഞ്ഞം ഫിഷ്‌ലാൻഡിലായിരുന്നു കേസിനാസ്പദമായ സംഭവം. മത്സ്യബന്ധനത്തിനായി കടലിൽ കൊണ്ടുപോകാൻ സൂക്ഷിച്ചിരുന്ന 30 ലിറ്റർ പെട്രോളാണ് പ്രതി ഓട്ടോറിക്ഷയിലെത്തി മോഷ്ടിച്ച് കടന്നുകളഞ്ഞത്.
പ്രദേശത്തെ സി.സി.ടി.വി ദൃശ്യങ്ങൾ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ തിരിച്ചറിഞ്ഞതും പിടികൂടിയതും. അറസ്റ്റിലായ ഇയാൾക്കെതിരെ നിയമപരമായ തുടർനടപടികൾ സ്വീകരിച്ചതായി വിഴിഞ്ഞം പോലീസ് അറിയിച്ചു.
