ട്രെയിന് യാത്രക്കിടെ അന്തിക്കാട് സ്വദേശിനിയായ വൃദ്ധയെ കാണാതായി
മധ്യപ്രദേശില് സര്ക്കാര് സര്വ്വീസിലായിരുന്ന ഇവര് പെന്ഷന് സംബന്ധമായ പേപ്പര് ശരിയാക്കാനായി ഇക്കഴിഞ്ഞ 13ന് മധ്യപ്രദേശിലേയ്ക്ക് പോയതാണ്.
തൃശൂർ: അന്തിക്കാട് സ്വദേശിനിയായ വൃദ്ധയെ ട്രെയിന് യാത്രക്കിടെ കാണാതായി. കാഞ്ഞാണി കോലാട്ട് വീട്ടില് പത്മ ഗോപി(74) യെയാണ് കാണാതായത്. മധ്യപ്രദേശില് സര്ക്കാര് സര്വ്വീസിലായിരുന്ന ഇവര് പെന്ഷന് സംബന്ധമായ പേപ്പര് ശരിയാക്കാനായി ഇക്കഴിഞ്ഞ 13ന് മധ്യപ്രദേശിലേയ്ക്ക് പോയതാണ്.
തനിച്ചാണ് യാത്ര ചെയ്തിരുന്നത്. തിരികെ 15ന് കോര്ബ എക്സ്പ്രസില് മടങ്ങുകയും ചെയ്തിരുന്നു. ഇതുപ്രകാരം 17ന് തൃശൂരില് എത്തേണ്ടതായിരുന്നു. നെല്ലൂര് വരെ ഇവരെ കണ്ടതായി ട്രെയിനിലെ പാന്ട്രി ജീവനക്കാര് പറയുന്നു. നാട്ടിലുള്ള മകനും മകളും പൊലീസിൽ പരാതി നൽകി. ഏതെങ്കിലും രീതിയിൽ വിവരങ്ങൾ ലഭിക്കുന്നവർ 949798119. 7907043400, 8765719328 എന്നീ നമ്പരുകളില് അറിയിക്കണം.