കഴിഞ്ഞ ബുധനാഴ്ച മുതൽ ഭക്ഷണം കഴിച്ചവർക്ക് അസ്വസ്ഥത അനുഭവപ്പെട്ടിരുന്നു. അൻപതോളം പേരാണ് വിവിധ ആശുപത്രികളിൽ ചികിത്സ തേടിയത്.
കൊച്ചി: കതൃക്കടവിലെ കുഴിമന്തി റസ്റ്ററൻ്റിൽ ഭക്ഷ്യ വിഷബാധ. അൽ റീം റസ്റ്ററൻ്റിലാണ് ഈ മാസം 10ന് ഭക്ഷ്യ വിഷബാധ ഉണ്ടായത്. പത്തോളം പേർ കടവന്ത്രയിലെ ഇന്ദിരാ ഗാന്ധി സഹകരണ ആശുപത്രിയിൽ ചികിത്സ തേടി. ഇന്നലെയാണ് ഭക്ഷ്യ സുരക്ഷാ വകുപ്പിന് പരാതി ലഭിച്ചത്. പരാതിക്ക് പിന്നാലെ, പരിശോധന നടത്തി ഹോട്ടൽ അടപ്പിച്ചു. ഇന്നു രാവിലെ ലൈസൻസ് സസ്പെൻ്റ് ചെയ്തു. ഭക്ഷണത്തിന്റെ സാമ്പിളുകൾ പരിശോധനക്കായി ലാബിലേക്ക് അയച്ചു. കഴിഞ്ഞ ബുധനാഴ്ച മുതൽ ഭക്ഷണം കഴിച്ചവർക്ക് അസ്വസ്ഥത അനുഭവപ്പെട്ടിരുന്നു. അൻപതോളം പേരാണ് വിവിധ ആശുപത്രികളിൽ ചികിത്സ തേടിയത്.
