തമിഴ്നാട്ടിലെ റെഡ് സോണുകളിലടക്കം സന്ദർശിച്ച പച്ചക്കറി ലോറി ഡ്രൈവറാണ് ക്വാറന്റൈന് ലംഘിച്ച് പുറത്തിറങ്ങിയത്.
കോഴിക്കോട്: ക്വാറന്റൈന് ലംഘിച്ച യുവാവിനെതിരെ ആരോഗ്യ വകുപ്പ് അധികൃതരുടെ പരാതിയിൽ പൊലീസ് കേസെടുത്തു. തമിഴ്നാട്ടിലെ റെഡ് സോണുകളിലടക്കം സന്ദർശിച്ച പച്ചക്കറി ലോറി ഡ്രൈവറായ താമരശ്ശേരി പരപ്പൻപൊയിൽ കതിരോട് തെക്കേപുറായിൽ സജീഷിനെതിരെയാണ് താമരശേരി പൊലീസ് കേസെടുത്തത്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
പകർച്ചവ്യാധി വ്യാപന നിയമപ്രകാരമാണ് യുവാവിനെതിരെ പൊലീസ് കേസെടുത്തത്. വീട്ടിൽ ക്വാറന്റൈനിൽ കഴിയാൻ നിർദ്ദേശിച്ചിട്ടും യുവാവ് പുറത്തിറങ്ങി നടക്കുന്നത് ശ്രദ്ധയിൽപ്പെട്ടതിനാലാണ് ആരോഗ്യ വകുപ്പ് പൊലിസിൽ പരാതി നൽകിയത്. ഇയാളെ അന്വേഷിച്ച് പൊലീസ് വീട്ടിലെത്തിയെങ്കിലും കണ്ടെത്താനായിട്ടില്ല. വീട്ടിലെത്തിയ ആരോഗ്യ പ്രവർത്തകരുടെ പരാതിയിലാണ് നടപടി.
