കണ്ണൂർ പരിയാരത്താണ് സംഭവം. അഞ്ചാംപീടിക ചിറക്കുറ്റിയിലെ ജീപക് കാക്കാമണി (46) എന്നയാള്‍ക്കെതിരെ പരിയാരം പൊലീസ് കേസെടുത്തു. കാറിന് 20,000 രൂപയുടെ നഷ്ടം സംഭവിച്ചതായി കണക്കാക്കുന്നു.
കണ്ണൂർ: ഭാര്യ വിവാഹമോചനത്തിന് കേസ് നൽകിയതിന്റെ വൈരാഗ്യത്തിൽ അമ്മായിയമ്മയുടെ കാറിൻ്റെ ടയർ കുത്തിക്കീറി മരുമകൻ. കണ്ണൂർ പരിയാരത്താണ് സംഭവം നടന്നത്. സംഭത്തില്‍ അഞ്ചാംപീടിക ചിറക്കുറ്റിയിലെ ജീപക് കാക്കാമണി (46) എന്നയാള്‍ക്കെതിരെ പൊലീസ് കേസെടുത്തു.
പെരിന്തട്ട സ്വദേശി ലീന സുകുമാരൻ്റെ കാറിനാണ് കേട് വരുത്തിയത്. ഓഫീസിൻ്റെ പാർക്കിംഗ് ഗ്രൗണ്ടിൽ നിർത്തിയിട്ടിരിക്കുകയായിരുന്നു കാർ. 20,000 രൂപയുടെ നഷ്ടമുണ്ടായി എന്നാണ് വിലയിരുത്തല്‍. സംഭവത്തില്‍ സിസിടിവി ദൃശ്യങ്ങളുടെ അടിസ്ഥാനത്തിൽ പരിയാരം പൊലീസാണ് കേസെടുത്തത്. 2010ലാണ് ലീനയുടെ മകളും ദീപക്കും വിവാഹിതരായത്. നാല് വർഷം മുമ്പ് വിവാഹമോചന ഹർജി നൽകിയിരുന്നു. ഇതിനിടെ പലപ്പോഴും ദീപക്ക് കുടുംബത്തിന് നേരെ ആക്രമണവും ഭീഷണിയും നടത്തിയിട്ടുണ്ടെന്ന് ലീന പറയുന്നു.
