വാഴൈതോട്ടം -ബൊക്കാപുരം ഭാഗങ്ങളിൽ സ്ഥിരമായി കണ്ടിരുന്ന റിവൾഡോ മനുഷ്യരെ ആക്രമിച്ചിരുന്നില്ല. പല തവണ ഉൾവനത്തിലേക്ക് മാറ്റിയെങ്കിലും വാഴൈതോട്ടത്തിലേക്ക് തന്നെ തിരിച്ചുവരികയായിരുന്നു.
ഇടുക്കി: നീലഗിരി മുതുമലയിലെ ഐക്കോണിക് കൊമ്പൻ റിവാൾഡോ ചരിഞ്ഞു. ഇന്നലെ മുതൽ അവശ നിലയിൽ കാണപ്പെട്ട റിവൾഡോ ഇന്ന് ഉച്ചയ്ക്കാണ് ചരിഞ്ഞത്. മറ്റ് ആനകളുമായി ഏറ്റുമുട്ടിയതിന്റെ പരിക്കുകൾ ശരീരത്തിൽ ഉണ്ടായിരുന്നു. 50 വയസിന് അടുത്ത് പ്രായമുണ്ടെന്ന് വനം വകുപ്പ് അധികൃതർ പറഞ്ഞു. വാഴൈതോട്ടം -ബൊക്കാപുരം ഭാഗങ്ങളിൽ സ്ഥിരമായി കണ്ടിരുന്ന റിവൾഡോ മനുഷ്യരെ ആക്രമിച്ചിരുന്നില്ല. പല തവണ ഉൾവനത്തിലേക്ക് മാറ്റിയെങ്കിലും വാഴൈതോട്ടത്തിലേക്ക് തന്നെ തിരിച്ചുവരികയായിരുന്നു.
