പതിനേഴുകാരിയെ പീഡിപ്പിക്കാൻ ശ്രമിച്ച ശേഷം ഒളിവിൽ പോയ യുവാവ് പിടിയില്‍
ഒരാഴ്ച മുമ്പ് പെൺകുട്ടിയെ പ്രതിയുടെ വീടിന് സമീപമുള്ള ഒഴിഞ്ഞ കോമ്പൗണ്ടിൽ കൊണ്ടുപോയാണ് പീഡിപ്പിക്കാൻ ശ്രമിച്ചത്.
തിരുവനന്തപുരം: കോവളത്ത് പതിനേഴുകാരിയെ പീഡിപ്പിക്കാൻ ശ്രമിച്ച ശേഷം ഒളിവിൽ പോയ യുവാവിനെ തിരുവല്ലം പൊലീസ് അറസ്റ്റു ചെയ്തു. പടിഞ്ഞാറെ പൂങ്കുളം ആലുനിന്നവിള വീട്ടിൽ ആദർശ് (18) ആണ് അറസ്റ്റിലായത്. ഒരാഴ്ച മുമ്പ് പെൺകുട്ടിയെ പ്രതിയുടെ വീടിന് സമീപമുള്ള ഒഴിഞ്ഞ കോമ്പൗണ്ടിൽ കൊണ്ടുപോയാണ് പീഡിപ്പിക്കാൻ ശ്രമിച്ചത്.
പെൺകുട്ടി വിവരം വീട്ടുകാരെ അറിയിച്ചതിനെ തുടർന്ന് വീട്ടുകാർ പൊലീസിൽ പരാതി നല്കുകയായിരുന്നു. സംഭവത്തിന് ശേഷം ഒളിവിൽ പോയ പ്രതിയെ ഇന്നലെ രാവിലെയാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻറ് ചെയ്തതായി തിരുവല്ലം പൊലീസ് പറഞ്ഞു.
Last Updated Nov 29, 2018, 8:57 PM IST
